ABK Prasad: సీనియర్ జర్నలిస్ట్ ఏబికె ప్రసాద్‌‌కు ప్రతిష్టాత్మకమైన అవార్డు

హైదరాబాద్: ప్రెస్ కౌన్సిల్ ఆఫ్ ఇండియా "రాజా రామ్ మోహన్ రాయ్ జాతీయ అవార్డు"కు డాక్టర్ ఎ.బి.కె. ప్రసాద్ (ABK Prasad) ఎంపికైయ్యారు. జర్నలిజం రంగంలో అత్యుత్తమమైన సేవలు అందించినందుకు ప్రతిష్టాత్మకమైన రాజా రామ మోహన్ రాయ్ అవార్డుకు డాక్టర్ ఏబికె ప్రసాద్‌ను ఎంపిక చేసినట్లు ప్రెస్ కౌన్సిల్ ఆఫ్ ఇండియా ప్రకటించింది. ఏబికె గా ప్రసిద్ధి చెందిన డాక్టర్ అన్నే భవానీ కోటేశ్వర ప్రసాద్ పాత్రికేయ రంగంలో 75 సంవత్సరాల సుదీర్ఘ అనుభవం కలిగి యున్నారు. ఆధ్రప్రదేశ్ నుంచి వెలువడిన ప్రధాన పత్రికలకు సంపాదకులుగా పనిచేసిన అరుదైన గౌరవం వీరికి దక్కింది. 2004-2009 వరకు ఆంధ్ర ప్రదేష్ రాష్ట్ర అధికార భాష సంఘం అధ్యక్షులుగా కూడా శ్రీ ఏబికె పనిచేశారు. ప్రెస్ కౌన్సిల్ ఆఫ్ ఇండియా చైర్ పర్సన్ శ్రీమతి జస్టిస్ రంజనా ప్రకాష్ దేశాయ్ నేతృత్వంలోని కమిటి ఈ అవార్డును ప్రకటించింది. ఫిబ్రవరి 28న డిప్యూటీ స్పీకర్ హాల్, కాన్స్టిట్యూషన్ క్లబ్ ఆఫ్ ఇండియా, రఫీ మార్గ్, న్యూఢిల్లీలో జరిగే కార్యక్రమంలో ఈ అవార్దు ప్రదానోత్సవం జరుగుతుంది.

ఇవి కూడ చదవండి

ఎమ్మెల్యే సీతక్క సంచలన వ్యాఖ్యలు

ఆ సమయంలోనే మైక్ కట్ అవుతుందని ఈటల ఆగ్రహం

కేసీఆర్ ఫామ్హౌజ్లో తాంత్రిక పూజలు చేయ్యం కానీ..: హరీశ్