TS News: భద్రాద్రిలో అర్ధరాత్రి దారుణం
ABN , First Publish Date - 2023-04-11T11:36:08+05:30 IST
జిల్లాలోని దమ్మపేట మండలం వడ్లగూడెంలో దారుణం చోటు చేసుకుంది.
భద్రాద్రి కొత్తగూడెం: జిల్లాలోని దమ్మపేట మండలం వడ్లగూడెంలో దారుణం చోటు చేసుకుంది. అర్ధరాత్రి భార్యాభర్తల మధ్య ఘర్షణకు దిగగా.. తెల్లాసరికి భార్య విగతజీవిగా పడి ఉంది. వడ్లగూడెంలో నాగేంద్ర బాబు, మోనిక దంపతులు నివాసముంటున్నారు. వీరిరువురూ తరచు గొడవపడుతూనే ఉంటారు. ఈ క్రమంలో గత అర్ధరాత్రి కూడా భార్యభర్తలు ఇద్దరు ఘర్షణకు పాల్పడ్డారు. చివరకు ఏం జరిగిందో తెలియదు కానీ భార్య చనిపోయింది. సమాచారం అందిన వెంటనే పోలీసులు అక్కడకు చేరుకుని మృతదేహాన్ని దమ్మపేట ప్రభుత్వా ఆస్పత్రికి తరలించారు. అయితే మోనికను భర్త నాగేంద్రబాబు కావాలనే చంపాడని మృతురాలి కుటుంబ సభ్యుల ఆరోపిస్తున్నారు. కేసు నమోదు చేసిన పోలీసులు మోనిక భర్త నాగేంద్ర బాబుని అదుపులోకి తీసుకుని విచారణ చేపట్టారు. పూర్తివివరాలు తెలియాల్సి ఉంది.
