నాలుగో తరగతి ఉద్యోగుల సంఘం కమిటీ ఎన్నిక
ABN , First Publish Date - 2023-01-29T23:12:33+05:30 IST
తెలంగాణ నాలుగో తరగతి ఉద్యోగుల సంఘం తాలూకా కమిటీ ఏకగ్రీవంగా ఎన్నికైనట్లు ఆ సంఘం జిల్లా అధ్యక్ష, కార్యదర్శులు ఎ.నరేందర్‌, తఖీబాబా, కోశా ధికారి రామకృష్ణలు తెలిపారు.
పాలమూరు, జనవరి 29 : తెలంగాణ నాలుగో తరగతి ఉద్యోగుల సంఘం తాలూకా కమిటీ ఏకగ్రీవంగా ఎన్నికైనట్లు ఆ సంఘం జిల్లా అధ్యక్ష, కార్యదర్శులు ఎ.నరేందర్‌, తఖీబాబా, కోశా ధికారి రామకృష్ణలు తెలిపారు. ఆదివారం జిల్లా కేంద్రంలోని సంఘం కార్యాలయంలో ఎన్నికలు నిర్వహించారు. దేవరకద్ర, మహబూబ్నగర్, జడ్చర్ల తాలూకాలకు ఎన్నికలకోసం నోటిఫికేషన్‌ వేయగా, కేవలం ఒక్కొక్క నామినేషన్‌ మాత్రమే రావటంతో కమిటీ ఎన్నిక ఏకగ్రీవమైనట్లు ప్రకటించారు. దేవరకద్ర అధ్యక్షుడు తిరుపతిరెడ్డి, మహబూబ్నగర్ అధ్యక్షుడు నరేస్‌, జడ్చర్ల అధ్యక్షుడు అశోక్‌ ఎన్నికైనట్లు ప్రకటించారు. ఆదివారం వారికి నియామకపు ఉత్తర్వులను అందజేశారు. తొందరలోనే జిల్లా కమిటీ ఎన్నికలను నిర్వహించనున్నట్లు తెలిపారు. కార్యక్రమంలో ఎన్నికల అధికారులుగా భిక్షపతి, రామకృష్ణ, రాజు, నరసింహులు పాల్గొన్నారు.
