TS News: ట్రాక్టర్ నిలిపి రేస్ చేయడంతో అడవిలోకి పరుగులు తీసిన చిరుత
ABN , First Publish Date - 2023-05-15T10:05:20+05:30 IST
జిల్లాలోని గండీడ్ మండలం కొండాపూర్ శివారు పొలాల్లో రాజుగొండ గుట్ట సమీపంలో ఆదివారం రాత్రి చిరుత పులి సంచారం కలకలం రేగింది.
మహబూబ్ నగర్: జిల్లాలోని గండీడ్ మండలం కొండాపూర్ శివారు పొలాల్లో రాజుగొండ గుట్ట సమీపంలో ఆదివారం రాత్రి చిరుత పులి సంచారం కలకలం రేగింది. రాత్రి పొలం నుంచి ట్రాక్టర్‌పై ఇంటికి వెళ్తున్న కొండాపూర్ గ్రామస్తులకు చిరుత కంటపడినట్లు చెబుతున్నారు. ట్రాక్టర్ నిలిపి రేస్ చేయడంతో భయంతో చిరుత అడవిలోకి పరుగులు తీసినట్లు వారు భయాందోళన చెందుతున్నారు. గతంలో గండీడ్ మండలం మహ్మదాబాద్ ఫారెస్ట్ వేటగాళ్లు పెట్టిన ఉచ్చులో పడి చిరుత మృతి చెందింది. అలాగే గండీడ్ సల్కర్ పేట్ సమీపంలో అటవీ శాఖ అధికారులు ఓ చిరుతను బంధించి జూకు తరలించారు. ఇప్పుడు చిరుత కనిపించడంతో చుట్టుపక్కల గ్రామస్తులు భయాందోళనకు గురవుతున్నారు. అటవీశాఖ అధికారులు వెంటనే చర్యలు తీసుకుని చిరుతను బంధించాలని వాపోతున్నారు.
