ప్రొటోకాల్‌ గురించి మీరా మాట్లాడేది?

వనపర్తి టౌన్‌, డిసెంబరు 14: ప్రొటోకాల్‌ గురించి వనపర్తి మునిసిపల్‌ చైర్మన్‌ గట్టు యాదవ్‌ మాట్లాడటం విడ్డూరంగా ఉందని కాంగ్రెస్‌ పార్టీ పట్టణ అధ్యక్షుడు చీర్ల చందర్‌ అన్నారు. గురువారం జిల్లా కేంద్రంలోని ఎమ్మెల్యే మేఘారెడ్డి క్యాంపు కార్యాలయంలో కాంగ్రెస్‌ పార్టీ కౌన్సిలర్లతో కలిసి చీర్ల చందర్‌ విలేకరుల సమావేశం ఏర్పాటు చేశారు. ఈ సందర్భంగా ఆయన మాట్లాడుతూ గతంలో అనేక కార్యక్రమాలలో ప్రొటోకాల్‌ను పక్కన బెట్టి ప్రజా ప్రతినిధులను అవమానించిన మునిసిపల్‌ చైర్మన్‌ ఇప్పుడు ప్రొటోకాల్‌ గురించి మాట్లాడటం విడ్డూరంగా ఉందని అన్నారు. మీ పార్టీలోనే ఉన్న జడ్పీ చైర్మన్‌ను ప్రొటోకాల్‌ విషయంలో ఎన్నిసార్లు అవమానించారో గుర్తుకుతెచ్చుకో వాలన్నారు. మంత్రిగా పని చేసిన నిరంజన్‌రెడ్డి ఓడిపోవడంతో మతి భ్రమిం చి మాట్లాడుతున్నారని ఎద్దేవ చేశారు. ఎమ్మెల్యే మేఘారెడ్డి ప్రొటోకాల్‌కు అనుగుణంగానే అధికారులతో కలిసి సీసీ రోడ్లు, డ్రైనేజీ పనులకు భూమి పూజ చేశాడన్నారు. అయినా ఎమ్మెల్యే క్యాంపు కార్యాలయంలో ఫర్నిచర్‌, కార్యాలయం ముందు వేసిన షెడ్డును విప్పుకుని పోయినప్పుడే బీఆర్‌ఎస్‌ నాయకుల గురించి ప్రజలకు తెలిసిపోయిందన్నారు. సమావేశంలో కౌన్సిలర్లు వెంకటేష్‌, బ్రహ్మంచారి, వీ నారాయణ, సత్యంసాగర్‌, లక్ష్మి, కో ఆప్షన్‌ సభ్యు రాలు కైరూన్‌ బేగం, కాంగ్రెస్‌ పార్టీ పట్టణ వర్కింగ్‌ ప్రెసిడెంట్‌ కదిరె రాము లు, నాయకులు సతీష్‌, యాదగిరి, రఘు, వెంకటేష్‌ తదితరులు ఉన్నారు.