నాసిరకంగా కల్వర్టు నిర్మాణం పనులు
ABN , First Publish Date - 2023-05-02T23:31:05+05:30 IST
చేర్యాల, మే 2: పంచాయతీరాజ్‌ అధికారుల పర్యవేక్షణా లోపం, కాంట్రాక్టర్‌ నిర్లక్ష్యం కారణంగా చేర్యాల మండలం తాడూరు గ్రామశివారులోని కాజ్‌వే కల్వర్టు నాలుగు నెలలు కూడా నిలువకుండాపోయింది.
పట్టించుకోని పంచాయతీరాజ్‌శాఖ అధికారులు
చేర్యాల, మే 2: పంచాయతీరాజ్‌ అధికారుల పర్యవేక్షణా లోపం, కాంట్రాక్టర్‌ నిర్లక్ష్యం కారణంగా చేర్యాల మండలం తాడూరు గ్రామశివారులోని కాజ్‌వే కల్వర్టు నాలుగు నెలలు కూడా నిలువకుండాపోయింది. పనులు నాసిరకంగా చేపట్టడంతో ప్యారాఫీట్‌ రెయిలింగ్‌ పగుళ్లుపట్టింది. సీసీస్లాబ్‌పై కంకర తేలింది. కల్వర్టు నిర్మాణం అనంతరం పక్క నుంచి వేసిన బైపా్‌సను క్లియర్‌ చేయకపోవడంతో ఇటీవల కురిసిన వ ర్షానికి వరదనీరు రైతు పొలాల్లో నిల్వడంతో ఇబ్బందులు పడుతున్నారు. ఈ విషయమై చుట్టుపక్కల రైతులు పంచాయతీరాజ్‌శాఖ ఏఈకి ఎన్నిసార్లు తెలిపినా పట్టించుకోలేదు. డీఈ శ్రీనివా్‌సరెడ్డికి ఫిర్యాదు చేయడంతో నీటి మళ్లింపుకు మట్టిని తొలగించాలని సూచించారు. దీంతో మట్టిని తొలగిస్తుండగా, అప్పటికే బాగా పగుళ్లుపట్టిన ప్యారాఫీట్‌ రెయిలింగ్‌ వాల్‌ కూలిపోయిందని స్థానికులు తెలిపారు. ఈ విషయమై పీఆర్‌ ఏఈ శివకు ఫోన్‌చేసినా లిఫ్ట్‌ చేయలేదు. దీంతో డీఈ శ్రీనివా్‌సరెడ్డిని వివరణ కోరగా కోతకు గురైన ప్యారాఫీట్‌ వాల్‌ను తొలగించి సరిచేయించిన తర్వాత కాంట్రాక్టర్‌కు బిల్లు చెల్లిస్తామని పేర్కొన్నారు.
