జిల్లా స్థాయి కబడ్డీ పోటీల విజేతలు వీరే
ABN , First Publish Date - 2023-01-11T23:21:32+05:30 IST
హుస్నాబాద్‌ పోలీ్‌సశాఖ ఆధ్వర్యంలో నిర్వహించిన జిల్లా స్థాయి కబడ్డీ పోటీల పైనల్‌మ్యాచ్‌ను సిద్దిపేట జిల్లా అడిషనల్‌ డీసీపీ సందెపోగు మహేందర్‌ బుధవారం రాత్రి ప్రారంభించారు.
హుస్నాబాద్‌రూరల్‌, జనవరి 11: హుస్నాబాద్‌ పోలీ్‌సశాఖ ఆధ్వర్యంలో నిర్వహించిన జిల్లా స్థాయి కబడ్డీ పోటీల పైనల్‌మ్యాచ్‌ను సిద్దిపేట జిల్లా అడిషనల్‌ డీసీపీ సందెపోగు మహేందర్‌ బుధవారం రాత్రి ప్రారంభించారు. మహిళా విభాగంలో హుస్నాబాద్‌ మోడల్‌ స్కూల్‌- మల్లంపల్లి హైస్కూల్‌ తలపడగా విజేతగా మల్లంపల్లి జట్లు నిలిచింది. పురుషుల విభాగంలో హుస్నాబాద్‌ - చౌటపల్లి జట్ల మధ్య హోరాహోరీగా సాగిన పైనల్‌ మ్యాచ్‌లో చౌటపల్లి టీం విజయం సాధించింది. విజేత జట్లకు అడిషనల్‌ డీసీపీ సందెపోగు మహేందర్‌ చేతుల మీదుగా రూ. 10 వేలు, రన్నర్‌ జట్టుకు రూ. 5 వేల క్యాష్‌ అవార్డును అందజేశారు. ప్లడ్‌ లైట్ల మధ్యన జరిగిన ఈ పోటీలను తిలకించేందుకు యువకులు భారీగా తరలివచ్చారు. కార్యక్రమంలో మున్సిపల్‌ చైర్‌పర్సన్‌ ఆకుల రజిత, వెంకన్న, ట్రాఫిక్‌ ఏసీపీ ఫణీందర్‌, హుస్నాబాద్‌ సీఐ ఎర్రల కిరణ్‌, హుస్నాబాద్‌, కోహెడ, అక్కన్నపేట ఎస్‌ఐలు సజ్జనపు శ్రీధర్‌, నరేందర్‌రెడ్డి, వివేక్‌, పీడీ సత్యనారాయణ, పీఈటీలు పాల్గొన్నారు.
