TS News: బీఆర్‌ఎస్ ఎమ్మెల్యేను అడ్డుకున్న ఎంఐఎం నాయకులు
ABN , First Publish Date - 2023-06-16T21:57:52+05:30 IST
నిజామాబాద్‌ జిల్లా బోధన్‌ ఎమ్మెల్యే షకీల్‌ను శుక్రవారం ఎంఐఎం నాయకులు అడ్డుకుని.. పలు సమస్యలపై నిలదీశారు. పట్టణంలోని రెంజల్‌ బేస్‌ ప్రాంతంలో ఉర్దూ మీడియం
బోధన్‌: నిజామాబాద్‌ జిల్లా బోధన్‌ ఎమ్మెల్యే షకీల్‌ను శుక్రవారం ఎంఐఎం నాయకులు అడ్డుకుని.. పలు సమస్యలపై నిలదీశారు. పట్టణంలోని రెంజల్‌ బేస్‌ ప్రాంతంలో ఉర్దూ మీడియం పాఠశాల నిర్మాణానికి శంకుస్థాపన చేసేందుకు ఎమ్మెల్యే షకీల్‌ వచ్చారు. ఈ విషయం తెలుసుకున్న ఎంఐఎం నాయకులు ఎమ్మెల్యేను అడ్డుకున్నారు. తమకు డబుల్‌ బెడ్‌ రూమ్‌ ఇళ్లు ఎందుకు ఇవ్వడం లేదని ప్రశ్నించారు. అలాగే మైనార్టీ కాలనీల్లో ఇతర అభివృద్ధి పనులకు ఎందుకు సహకరించడం లేదన్నారు. ఎంఐఎం వార్డు ప్రజలు మీకు ఓట్లు వేయలేదా? అని ప్రశ్నించారు. వెంటనే తమ న్యాయమైన సమస్యలను పరిష్కరించాలన్నారు. దీంతో కొద్దిసేపు గందరగోళ పరిస్థితులు నెలకొన్నాయి. స్పందించిన ఎమ్మెల్యే షకీల్‌.. ఎంఐఎం నాయకులకు సర్దిచెప్పారు. డబుల్‌ బెడ్‌ రూమ్‌లు ఇంకా ఎవరికి ఇవ్వలేదని, అర్హులైన వారందరికీ ఇస్తామని సమాధానం ఇచ్చారు. పార్టీలకు అతీతంగా బోధన్‌లోని అన్ని వార్డులను అభివృద్ధి చేస్తున్నామన్నారు.
