TS News: వాషింగ్ మిషన్ పేలి ఇద్దరికి తీవ్ర గాయాలు
ABN , First Publish Date - 2023-01-21T09:57:10+05:30 IST
బట్టలు ఉతికే వాషింగ్ మిషన్ పేలి ఇద్దరు గాయపడిన ఘటన జిల్లాలో చోటు చేసుకుంది.
కామారెడ్డి: బట్టలు ఉతికే వాషింగ్ మిషన్ పేలి ఇద్దరు గాయపడిన ఘటన జిల్లాలో చోటు చేసుకుంది. కామారెడ్డి జిల్లా కేంద్రంలోని ఎన్జీవోస్ కాలనీ సప్తగిరి వీధి నెంబర్ 4లోని ఓ ఇంట్లో వాషింగ్ మిషన్ పేలింది. ఈ ఘటనలో ఇద్దరు తీవ్రంగా గాయపడ్డారు. వారి పరిస్థితి విషమంగా ఉన్నట్లు తెలుస్తోంది. భారీ శబ్దం రావడంతో కాలనీవాసులు భయాందోళనకు గురైయ్యారు. గాయపడ్డవారు బాలయ్య, బాలలక్ష్మిగా గుర్తించారు. క్షతగాత్రులను మెరుగైన చికిత్స నిమిత్తం కామారెడ్డిలోని ఓ ప్రైవేట్ హాస్పిటల్‌కు తరలించారు.
