TS News: బీఆర్‌ఎస్ నేతల పరస్పర దాడులు
ABN , First Publish Date - 2023-05-18T11:10:05+05:30 IST
జిల్లాలోని షాద్‌నగర్ పోలీస్స్టేషన్ ఆవరణలో అధికార పార్టీకి చెందిన నాయకులే ఒకరిపై ఒకరు దాడులకు దిగారు.
రంగారెడ్డి: జిల్లాలోని షాద్‌నగర్ పోలీస్స్టేషన్ ఆవరణలో అధికార పార్టీకి చెందిన నాయకులే ఒకరిపై ఒకరు దాడులకు దిగారు. పట్టణంలోని అయ్యప్ప కాలనీ ఏడవ వార్డు కౌన్సిలర్ ఈశ్వర్ రాజు, అదే కాలనీకి చెందిన అశోక్‌‌ల మధ్య గత కొద్దిరోజులుగా వర్గపోరు ఉంది. అది కాస్తా చిలికి చిలికి గాలి వానగా మారింది. చిన్న విషయంపై వాగ్వివాదం పోలీస్స్టేషన్ వరకు చేరింది. దీంతో ఇరువర్గాలు గత రాత్రి షాద్‌నగర్ పోలీస్‌స్టేషన్‌కు చేరారు. ఈ క్రమంలో అశోక్ వర్గీయులు.. కౌన్సిలర్ ఈశ్వర్ రాజుపై ఒక్కసారిగా దాడికి పాల్పడ్డారు. దీంతో ఇరువర్గాలు పరస్పరం దాడికి పాల్పడ్డారు. వెంటనే పోలీసులు వారిని చెదరగొట్టి.. గొడవకు దిగిన సుమారు 15 మందిపై కేసు నమోదు చేశారు.
