KTR: మంత్రి కేటీఆర్‌కు అరుదైన గుర్తింపు

హైదరాబాద్: తెలంగాణ ఐటీ శాఖ మంత్రి కేటీఆర్‌ (KTR) అరుదైన ఘనత సాధించారు. ప్రపంచంలోనే టాప్‌ సోషల్‌ మీడియా ఇన్‌ఫ్లూయన్సర్స్‌ లిస్ట్‌లో చోటు దక్కించుకున్నారు. వరల్డ్ టాప్ 30 ఇన్‌ఫ్లూయన్సర్స్‌ లిస్ట్‌లో మన దేశం నుంచి ఇద్దరు యువ నేతలకు మాత్రమే చోటు దక్కడం విశేషం. అందులో ఒకరు మంత్రి కేటీఆర్‌ కాగా, మరొకరు ఎంపీ రాఘవ్ చద్దా. అయితే ఈ లిస్టులో ఎంపీ కంటే మంత్రికేటీఆరే ముందు వరుసలో నిలబడి సత్తా చాటారు. అటు అఫిషియల్, ఇటు పర్సనల్ అకౌంట్.. రెండింటిలోనూ మంత్రి కేటీఆర్ అగ్రస్థానంలో నిలిచారు. ఈ లిస్ట్‌లో కేటీఆర్‌ 12వ స్థానాన్ని దక్కించుకోగా.. రాఘవ్‌ చద్దా 23వ స్థానంలో నిలిచారు. కాగా, ఈ లిస్టులో తెలంగాణ ఐటీ శాఖకు చెందిన అఫిషియల్‌ ట్విట్టర్‌ అకౌంట్‌ 22వ స్థానాన్ని దక్కించుకుంది. ఐటీ శాఖ మంత్రిగా తెలంగాణ ఐటీ పురోభివృద్ధికి కృషి చేస్తున్న మంత్రి కేటీఆర్.. సోషల్ మీడియాలోనూ చాలా చురుగ్గా ఉంటారు.