TSPSC GROUP-2: గ్రూప్-2 పరీక్షల తేదీలను ప్రకటించిన టీఎస్పీఎస్సీ

హైదరాబాద్: తెలంగాణ రాష్ట్రంలో నిర్వహించనున్న గ్రూప్-2 పరీక్షల తేదీలను టీఎస్పీఎస్సీ (TSPSC) ప్రకటించింది. నవంబర్ 2, 3 తేదీల్లో గ్రూప్-2 (GROUP-2) పరీక్ష నిర్వహిస్తామని టీఎస్పీఎస్సీ పేర్కొంది. ఉదయం 10 గంటల నుంచి 12 గంటల వరకు.. మధ్యాహ్నం 2.30 నుంచి 5 గంటల వరకు గ్రూప్-2 పరీక్షలను నిర్వహిస్తామని తెలిపింది. ఈ నెల 29, 30 తేదీల్లో జరగాల్సిన గ్రూప్-2 పరీక్షలను రీషెడ్యూల్ చేసిన విషయం తేలిసిందే.

కాగా.. కొన్ని రోజుల నుంచి గ్రూప్-2 పరీక్షను వాయిదా వేయాలని అభ్యర్థులు చేస్తున్న నిరసనలకు తెలంగాణ ముఖ్యమంత్రి కేసీఆర్ దిగొచ్చారు. గ్రూప్-2 పరీక్ష వాయిదా వేయాలంటూ అభ్యర్థులు చేస్తున్న ఆందోళనలను ఏబీఎన్ ఆంధ్రజ్యోతి ప్రసారం చేస్తూ తెలంగాణ సర్కారు సృష్టికి తీసుకొచ్చింది. మరోవైపు ప్రతిపక్షాలు సైతం అభ్యర్ధుల ఆందోళనకు మద్దతు ఇస్తూ పరీక్ష వాయిదా చేయాలని ప్రభుత్వాన్ని డిమాండ్ చేస్తున్నా నేపథ్యంలో సీఎం కేసీఆర్ గ్రూప్-2 అభ్యర్థుల భవిష్యత్‌ను దృష్టిలో ఉంచుకొని పరీక్షల నిర్వహణపై టీఎస్‌పీఎస్సీ అధికారులతో చర్చించాలని సీఎస్‌కు ఆదేశాలు ఇచ్చారని మంత్రి కేటీఆర్ ట్వీట్ చేసిన విషయం తెలిసిందే.