Vijayashanthi: లిక్కర్ స్కాంలో తన కుటుంబ సభ్యులెవ్వరికీ సంబంధం లేదని కేసీఆర్ ఎందుకు చెప్పలేకపోతున్నారు
ABN , First Publish Date - 2023-03-12T22:23:40+05:30 IST
ల్లీ లిక్కర్ స్కాం, తెలంగాణలో జరిగిన అవినీతితో తన కుటుంబ సభ్యులెవ్వరికీ సంబంధం లేదని సీఎం కేసీఆర్ ఎందుకు చెప్పలేకపోతున్నారని బీజేపీ నాయకురాలు విజయశాంతి ప్రశ్నించారు.
హైదరాబాద్: ఢిల్లీ లిక్కర్ స్కాం, తెలంగాణలో జరిగిన అవినీతితో తన కుటుంబ సభ్యులెవ్వరికీ సంబంధం లేదని సీఎం కేసీఆర్ ఎందుకు చెప్పలేకపోతున్నారని బీజేపీ నాయకురాలు విజయశాంతి ప్రశ్నించారు.
రాములమ్మ సోషల్ మీడియాలో పెట్టిన పోస్టు యథాతథంగా...
'కేసీఆర్ గారు... మీకు అనారోగ్యమని హాస్పిటల్‌లో అడ్మిషన్ అవుతారు. బీఆరెస్ వారందరూ ఈడీ విచారణ దుర్మార్గం అంటారు. సరే, ఇంత అయ్యినంక అయినా... "నా కుటుంబ సభ్యులెవ్వరికీ ఢిల్లీ లిక్కర్ స్కాంతో గాని, తెలంగాణ రాష్ట్రంలో జరిగిన ఇంకే అవినీతితో గాని, ఏ విధమైన సంబంధం లేదు, నేను నిప్పులాంటి నిజాయితీ నేతను... ఆరోపణలు నిజమైతే రాజకీయాల నుంచి మా కుటుంబమంతా వైదొలుగుతాం." అనే మాట మీరు ఎందుకు చెప్పలేకపోతున్నరు కేసీఆర్ గారూ... మీడియా నుండి తప్పించుకోనీకే.. సమాధానం వెదుక్కునే ప్రయత్నానికి సమయం కోసం ఈ రోజు ఉదయం నుంచి సాయంత్రం వరకూ ముఖ్యమంత్రి కేసీఆర్ గారు హాస్పిటల్‌లో చేరి ఉంటారని తెలంగాణ ప్రజలు అభిప్రాయపడుతున్నరు.' అని విజయశాంతి అన్నారు.
