ఉత్సాహంగా రాతిదూలం లాగుడు పోటీలు

బొమ్మనహాళ్‌, నవంబరు 17(ఆంధ్రజ్యోతి): మండలంలోని ఉద్ధేహాళ్‌ గ్రామంలో గజగౌరి వేడుకలను పురస్కరించుకుని ఆదివారం రాతిదూలం లాగుడు పోటీలను ఉత్సాహంగా నిర్వహించారు.

సింగిల్‌ విండో మాజీ అధ్యక్షుడు కొత్తపల్లి మల్లికార్జున, టీడీపీ నాయకులు నవీన, సంగప్ప, సైకిల్‌ షాప్‌ హనుమంతు, దుర్గాప్రసాద్‌ ఈ పోటీలను ప్రారంభించారు. తొమ్మిది జతలు వృషభాలు పాల్గొన్నాయి. అందులో ఆత్మకూరు మండలం తోపుదుర్తి గ్రామానికి చెందిన రెండు జతల వృషభాలు ప్రథమ, తృతీయ స్థానాల్లో నిలవగా.. రెండో స్థానంలో కర్ణాటకలోని ఆంధ్రాళ్‌కు చెందిన ఆనంద్‌రెడ్డి వృషభాలు, మూడో స్థానంలో బొమ్మనహాళ్‌ మండలం ఉద్ధేహాళ్‌కు చెందిన బసన్న వృషభాలు, ఐదో స్థానంలో ఉరవకొండ పట్టణానికి చెందిన విశాల్‌ వృషభాలు నిలిచాయి. విజేత వృషభాల యజమానులకు వరుసగా రూ.25వేలు, రూ.20, వేలు, రూ. 15 వేలు, రూ. 10 వేలు, రూ.5వేలు చొప్పున గజగౌరీ కమిటీ సభ్యులు అందజేశారు. పోటీలను తిలకించడానికి వివిధ గ్రామాల నుంచి పెద్దఎత్తున తరలి వచ్చారు. కార్యక్రమంలో మాజీ సర్పంచ కోటేశ్వరరెడ్డి, టీడీపీ నాయకులు పాల్గొన్నారు.

మరిన్ని అనంతపురం వార్తల కోసం..