FARMERS : సాగు భూములకు పట్టాలు ఇప్పించండి
ABN , Publish Date - Jul 26 , 2024 | 12:04 AM
తాము సాగు భూములకు పట్టాలు ఇప్పించాలని సంబంధిత రైతులు సబ్‌ కలెక్టర్‌ అపూర్వ భరతకు వినతిపత్రం అందిం చారు. సోమందేపల్లి తహసీల్దార్‌ కార్యాలయం తనిఖీకి వచ్చిన సబ్‌కలెక్టర్‌ను గురువారం మండల పరిధిలోని నడింపల్లికి చెందిన పలువురు రైతులు కలిసి తమ సమస్యను వివరించారు. ఈ సందర్బంగా వారు మాట్లాడుతూ... తాము 45ఏళ్లుగా నడింపల్లిలో సాగు చేసుకుంటున్న భూములకు పాసుపుస్తకాలు పెండింగ్‌లో ఉండటంతో ప్రభుత్వ పథకాలు అందడంలేదన్నారు.
సబ్‌ కలెక్టర్‌కు రైతుల వినతి
హిందూపురం(సోమందేపల్లి), జూలై 25: తాము సాగు భూములకు పట్టాలు ఇప్పించాలని సంబంధిత రైతులు సబ్‌ కలెక్టర్‌ అపూర్వ భరతకు వినతిపత్రం అందిం చారు. సోమందేపల్లి తహసీల్దార్‌ కార్యాలయం తనిఖీకి వచ్చిన సబ్‌కలెక్టర్‌ను గురువారం మండల పరిధిలోని నడింపల్లికి చెందిన పలువురు రైతులు కలిసి తమ సమస్యను వివరించారు. ఈ సందర్బంగా వారు మాట్లాడుతూ... తాము 45ఏళ్లుగా నడింపల్లిలో సాగు చేసుకుంటున్న భూములకు పాసుపుస్తకాలు పెండింగ్‌లో ఉండటంతో ప్రభుత్వ పథకాలు అందడంలేదన్నారు. రుణా లు, సబ్సిడీలు అందక ఇబ్బందులు పడుతున్నామన్నారు. కొంతమంది తమ పొలాల్లోకి రానీయకుండా ఇబ్బంది పెడుతున్నారన్నారు. తమకు పాసుపుస్తకాలు వచ్చేలా చూడాలని సబ్‌ కలెక్టర్‌ను కోరారు. దీనిపై సబ్‌ కలెక్టర్‌ స్పందిస్తూ విచారించి వారికి న్యాయం జరిగేలా చూడాలని స్థానిక రెవెన్యూ అధికారులను ఆదేశించారు.
మరిన్ని అనంతపురం వార్తల కోసం....
