JANASENA: ఘనంగా డిప్యూటీ సీఎం పుట్టినరోజు
ABN , Publish Date - Sep 03 , 2024 | 12:00 AM
ఉపముఖ్యమంత్రి, జనసేన అధినేత పవనకల్యాణ్‌ జన్మదిన వేడుకలను ఆ పార్టీ నాయకులు, కార్యకర్తలు ఘనంగా నిర్వహించారు. సోమవారం ఆ పార్టీ జిల్లా అధ్యక్షుడు టీసీ వరుణ్‌, పార్టీ కార్యక్రమాల నిర్వహణ ప్రధానకార్యదర్శి భవానీ రవికుమార్‌ ఆధ్వర్యంలో కొత్తూరు జూనియర్‌ కళాశాలలో మొక్కలునాటారు.
అనంతపురం ప్రెస్‌క్లబ్‌, సెప్టెంబరు 2: ఉపముఖ్యమంత్రి, జనసేన అధినేత పవనకల్యాణ్‌ జన్మదిన వేడుకలను ఆ పార్టీ నాయకులు, కార్యకర్తలు ఘనంగా నిర్వహించారు. సోమవారం ఆ పార్టీ జిల్లా అధ్యక్షుడు టీసీ వరుణ్‌, పార్టీ కార్యక్రమాల నిర్వహణ ప్రధానకార్యదర్శి భవానీ రవికుమార్‌ ఆధ్వర్యంలో కొత్తూరు జూనియర్‌ కళాశాలలో మొక్కలునాటారు. ఎస్వీ ఽథియేటర్‌ ఆవరణంలో కేక్‌ కట్‌ చేసి ఆనందం పంచుకున్నారు. అనంతరం పాతూరు చెన్నకేశవస్వామి ఆలయంలో డొక్కా సీతమ్మ పేరిట అన్నదానం చేశారు. నగర అధ్యక్షుడు పొదిలి బాబురావు, జిల్లా లీగల్‌ సెల్‌ అధ్యక్షులు మురళీకృష్ణ, నాయకులు జయరాంరెడ్డి, అంకె ఈశ్వరయ్య, కుమ్మర నాగేంద్ర, సంజీవరాయుడు, సిద్దూ, జయమ్మ, అవుకు విజయ్‌కుమార్‌, ముప్పూరి కృష్ణ, సదానందం, గ్రంధి దివాకర్‌, మేదర వెంకటేష్‌, వెంకటనారాయణ పాల్గొన్నారు.
బలిజ మహాసంఘం ఆధ్వర్యంలో: రాయలసీమ బలిజ మహాసంఘం ఆధ్వర్యంలో పవనకల్యాణ్‌ జన్మదిన వేడుకలను నిర్వహించారు. మంగళవారం ఆ సంఘం కార్యాలయంలో జిల్లా అధ్యక్షుడు తొండపునాటి శంకరయ్య ఆధ్వర్యంలో పవన చిత్రపటం వద్ద కేక్‌ కట్‌ చేసి ఆనందం పంచుకున్నారు. తొండపునాటి రమేష్‌, కోనేటి సాయిప్రసాద్‌, బళ్లారి వెంకటరాముడు పాల్గొన్నారు.
అనంతపురంరూరల్‌: మండలంలో డిప్య్డూటీ సీఎం పవన కళ్యాణ్‌ జన్మదిన వేడుకలు కూటమి నాయకులు ఘనంగా నిర్వహించారు. మండలంలోని పాపంపేట, సిండికేట్‌ నగర్‌లో టీడీపీ, జనసేన నాయకులు కేక్‌కట్‌ చేశారు. అనంతరం అన్నదాన కార్యక్రమం, రక్తదాన శిబిరం ఏర్పాటు చేశారు.
శింగనమల: మండలంలో ఉప ముఖ్యమంత్రి పవన కల్యాణ్‌ జన్మదిన వేడుకలు ఘనంగా నిర్వహించారు. స్థానిక రామస్వామి దేవాలయంలో సోమవారం టీడీపీ, జనసేన నాయకలు కేక్‌ చేసి తినిపించున్నారు. ఎంపీడీఓ కార్యాలయ ఆవరణలో మొక్కలు నాటారు. ఎంపీడీఓ నిర్మలాకుమారి, సీఐ కౌలుట్లయ్య, ఏపీఓ శ్రీదేవి ఈసీ దామోదర్‌, శ్రీనివాసలు, జనసేన నాయకులు లక్ష్మీపతి, వెన్నెలకృష్ణ, దివాకర్‌, టీడీపీ నాయకులు శంకర్‌, బోయ సత్తి, వెంకటేశ పాల్గొన్నారు.
గార్లదిన్నె: మండలంలోని గార్లదిన్నె, కల్లూరు, మర్తాడు తదితర గ్రామాల్లో సోమవారం డిప్యూటీ సీఎం పవనకల్యాణ్‌ పుట్టిన రోజు వేడుకలను జనసేన పార్టీ నాయకులు ఘనంగా జరుపుకున్నారు. కేక్‌లు కట్‌ చేసి సంబరాలు చేసుకున్నారు. జనసేనా పార్టీ జిల్లా సంయుక్త కార్యదర్శి దివే కృష్ణమూర్తి ఆధ్వర్యంలో మర్తాడు ప్రధాన రహదారికి ఇరువైపులా మొక్కలు నాటారు. తాతయ్య, నాగరాజు, సాయి, రాజు, బాషా పాల్గొన్నారు.
నార్పల: మండల కేంద్రంలో ఉపముఖ్యమంత్రి పవన కల్యాణ్‌ 56వ జన్మదిన వేడుకలను జనసేన నాయకులు గంజికుంట రామకృష్ణ, తుపాకుల విజయభాస్కర్‌ ఆధ్వర్యంలో సోమవారం ఘనంగా నిర్వహించారు. పలు సేవా కార్యక్రమాలలో జనసేన కార్యకర్తలు, అభిమానులు పాల్గొన్నారు. కొండిశెట్టి ప్రవీణ్‌ ఆధ్వర్యంలో అనాథాశ్రమంలో అన్నదానం చేశారు.
