Kasapuram temple కసాపురం ఆలయంలో సమస్యలు పరిష్కరించాలి
ABN , Publish Date - Nov 06 , 2024 | 01:23 AM
కసాపురం నెట్టికంటి ఆంజనేయస్వామి ఆలయంలో నెలకొన్న సమస్యలను పరిష్కరించాలని ఆలయం పర్యవేక్షణ, సేవా సమితి సభ్యులు కోరారు. ఈ మేరకు ఆలయ ఈఓ వాణికి మంగళవారం వినతి పత్రాన్ని అందజేశారు.
గుంతకల్లు టౌన, నవంబరు 5(ఆంధ్రజ్యోతి): కసాపురం నెట్టికంటి ఆంజనేయస్వామి ఆలయంలో నెలకొన్న సమస్యలను పరిష్కరించాలని ఆలయం పర్యవేక్షణ, సేవా సమితి సభ్యులు కోరారు. ఈ మేరకు ఆలయ ఈఓ వాణికి మంగళవారం వినతి పత్రాన్ని అందజేశారు.
ఈ సందర్భంగా పలువురు సభ్యులు మాట్లాడుతూ.. ఆలయానికి రోజురోజుకూ భక్తుల సంఖ్య పెరుగుతోందని, కానీ ఇక్కడ సౌకర్యాలు మాత్రం మెరుగుపడడం లేదని అన్నారు. వసతి గదుల్లో ఫ్యాన్లు, ఏసీలు సక్రమంగా పనిచేయటం లేదని, పార్కుల్లో చెత్తచెదారం నిండిపోయి దుర్వాసన వెదజల్లుతోందని అన్నారు. వెంటనే వాటిని మెరుగుపరచాలని కోరారు. అలాగే భక్తులకు ఉదయం నుంచి సాయంత్రం వరకు ఉచిత ప్రసాదం, రాత్రిసమయాల్లో అన్నదానం కొనసాగించాలని అన్నారు. వినతి పత్రం ఇచ్చిన వారిలో సమితి కన్వీనర్‌ ఆర్‌ శ్రీనాథ్‌గౌడ్‌, కో-కన్వీనర్లు సభ్యులు పాల్గొన్నారు.
మరిన్ని అనంతపురం వార్తల కోసం..
