YCP campaign for BJP's victory బీజేపీ గెలుపునకు వైసీపీ ప్రచారం

రాయదుర్గం, నవంబరు 10(ఆంధ్రజ్యోతి): కర్ణాటకలోని సండూరు నియోజకవర్గంలో శాసనసభ ఉప ఎన్నికలు జరగనున్నాయి. ఈ నేపథ్యంలో బీజేపీ అభ్యర్థిని గెలిపించాలని కొం దరు వైసీపీ నాయకులు ప్రచారానికి దిగారు. డీ.హీరేహాళ్‌ మండల వైసీపీ కన్వీనర్‌ వన్నూరుస్వామి ఎన్నికల ప్రచారంలో జోరుగా పాల్గొంటున్న ఫొటోలు సోషల్‌ మీడియాలో వైరల్‌ అవుతున్నాయి.

రాయదుర్గం మాజీ ఎమ్మెల్యే కాపు రామచంద్రారెడ్డి ఇప్పటికే బీజేపీలో చేరి సండూరు ఎన్నికల ప్రచారంలో జోరుగా పాల్గొంటున్నారు. ఆయనతో పాటు డీ.హీరేహాళ్‌ మండలంలోని కొందరు వైసీపీ నాయకులు నిత్యం ఎన్నికల ప్రచారం లో పాల్గొంటూ బీజేపీని గెలిపించాలంటూ ఇంటింటికీ వెళ్లి ఓటర్లను అభ్యర్థిస్తున్నట్లు ఫొటోలు వైరల్‌ అవుతున్నాయి. నియోజకవర్గంలో కొందరు వైసీపీ నాయకులు బీజేపీ నాయకుడి వెం ట అనునిత్యం ఉండడం పట్ల అధిష్టానం ఇప్పటికే సున్నితంగా మందలించినట్లు తెలుస్తోంది. ఈ నేపథ్యంలో వైసీపీ నాయకులు బీజేపీకి మద్దతు పలుకుతూ కర్ణాటకలో ప్రచారంలో పా ల్గొనడం వైసీపీ అధిష్టానానికి మింగుడు పడడం లేదు. దీంతో దీనిపై సమగ్ర వివరణ ఇవ్వాలని నియోజకవర్గ సమన్వయకర్త మెట్టు గోవిందరెడ్డిని కోరినట్లు తెలియవచ్చింది. బీజేపీతో కర్ణాటకలో వైసీపీ నాయకులు చెట్టాపట్టాలు వేసుకుని తిరగడం, ఆంధ్ర రాజకీయాలలో మాత్రం బద్ధ శత్రువులుగా వ్యవహరించ డం లాంటి ద్వంద వైఖరి పట్ల ప్రజలు పెదవి విరుస్తున్నారు.

మరిన్ని అనంతపురం వార్తల కోసం..