heart attack గుండెపోటుతో యువరైతు మృతి

కళ్యాణదుర్గంరూరల్‌, నవంబరు 16 (ఆంధ్రజ్యోతి): శెట్టూరు మండలం అడవి గొల్లపల్లిలో యువరైతు గుండెపోటుతో మృతి చెందాడు.

యువరైతు గొల్ల బొజ్జప్ప (30) తనకున్న రెండెకరాల పొలంలో రాగి పంటను సాగు చేశాడు. కాగా శుక్రవారం రాత్రి పంటకు నీరు పెట్టి వచ్చి పడుకు న్నాడు. శనివారం ఉదయం ఎంతకీ లేవకపోవడంతో కుటుంబసభ్యులు వెంటనే చికిత్స నిమిత్తం కళ్యాణదుర్గం ప్రభుత్వ ఆస్పత్రికి తరలించారు. పరీక్షించిన వైద్యులు అప్పటికే మృతి చెందినట్లు తెలిపారు. గుండెపోటుతోనే మృతి చెందాడని నిర్ధారించారు. మృతుడికి దాదాపు రూ. పది లక్షలు అప్పులు ఉన్నాయని, దీంతో నిత్యం మదనపడుతుండేవాడని కుటుంబసభ్యులు తెలిపారు. మృతుడికి భార్య యశోదమ్మ, ముగ్గురు ఆడపిల్లలు ఉన్నారు. పోలీసులు కేసు నమోదు చేసుకుని దర్యాప్తు చేస్తున్నారు.

మరిన్ని అనంతపురం వార్తల కోసం..