కిక్కిరిసిన ముక్కంటి ఆలయం

శ్రీకాళహస్తి, డిసెంబరు 29(ఆంధ్రజ్యోతి): శ్రీకాళహస్తీశ్వరాలయం ఆదివారం భక్తులతో కిక్కిరిసిపోయింది. వారాంతం కావడంతో రెండు తెలుగు రాష్ట్రాల నుంచే కాకుండా పొరుగు రాష్ట్రాల నుంచి భక్తులు పెద్దసంఖ్యలో తరలి వచ్చారు. సుమారు 29వేలమంది భక్తులు దర్శించుకున్నట్లు ఆలయ అధికారులు తెలిపారు. రూ.200 శీఘ్ర దర్శనం టిక్కెట్ల ద్వారా 2.784మంది, రూ.50ప్రత్యేక దర్శనం టిక్కెట్ల ద్వారా 3,638మంది భక్తులు దర్శించుకున్నారు. ఇక రూ.500 రాహుకేతు టిక్కెట్ల ద్వారా 2,831మంది, రూ.750 టిక్కెట్ల ద్వారా 1,041, రూ.1,500 టిక్కెట్ల ద్వారా 296మంది, రూ.2,500 టిక్కెట్ల ద్వారా 282మంది, రూ.5వేలు టిక్కెట్ల ద్వారా 102మంది భక్తులు పూజలు చేయించుకున్నారు. ఇక ఐదు రకాల ప్రసాదాలు కలిపి 22,116 అమ్ముడైనట్లు ఆలయ అధికారులు తెలిపారు.