Lakshadweep-నేత్రపర్వం లక్ష దీపోత్సవం
ABN , Publish Date - Nov 05 , 2024 | 01:36 AM
శ్రీకాళహస్తీశ్వరాలయానికి అనుబంధంగా ఉన్న నారద పుష్కరిణిలో కార్తీక మాసం తొలి సోమవారాన్ని పురస్కరించుకుని ప్రదోష వేళ లక్ష దీపోత్సవాన్ని నిర్వహించారు. ఆలయ అధికారులు ముందుగా పుష్కరణి చుట్టూ నేతి దీపాలను సిద్ధం చేశారు.
శ్రీకాళహస్తీశ్వరాలయానికి అనుబంధంగా ఉన్న నారద పుష్కరిణిలో కార్తీక మాసం తొలి సోమవారాన్ని పురస్కరించుకుని ప్రదోష వేళ లక్ష దీపోత్సవాన్ని నిర్వహించారు. ఆలయ అధికారులు ముందుగా పుష్కరణి చుట్టూ నేతి దీపాలను సిద్ధం చేశారు. పుష్కరణి ప్రాంగణంలో స్వామిఅమ్మవార్ల చిత్రపటానికి విశేష హారతులు సమర్పించాక లక్షదీపోత్సావాన్ని చేపట్టారు. ఎమ్మెల్యే బొజ్జల సుధీర్‌రెడ్డి, రిషితారెడ్డి దంపతులు దీపాలను ప్రజ్వలన చేశారు. శ్రీకాళహస్తి క్షేత్రంలో మొదటిసారి జరిగిన ఈ విశేష వేడుకను మహిళలు భక్తిశద్ధ్రలతో వీక్షించారు. దీప కాంతులతో నారదపుష్కరణి దేదీప్యమానంగా ప్రకాశించింది. ఈ కార్యక్రమంలో ఈవో బాపిరెడ్డి, ప్రధాన అర్చకుడు కరుణాకర్‌ గురుకుల్‌ తదితరులు పాల్గొన్నారు. అంతకుముందు ఆకాశ దీపాన్ని ఎగురవేశారు.
- శ్రీకాళహస్తి, ఆంధ్రజ్యోతి
