ఎర్ర చందనం స్మగ్లర్‌ అరెస్టు
ABN , Publish Date - Nov 17 , 2024 | 02:11 AM
చంద్రగిరి మండలం భాకరాపేట అటవీప్రాంతంలో టాస్క్‌ఫోర్సు పోలీసులు ఓ స్మగ్లర్‌ను అరెస్టు చేసి 10 ఎర్రచందనం దుంగలను స్వాధీనం చేసుకున్నారు.
10 దుంగలు స్వాధీనం
మంగళం, నవంబరు 16(ఆంధ్రజ్యోతి): చంద్రగిరి మండలం భాకరాపేట అటవీప్రాంతంలో టాస్క్‌ఫోర్సు పోలీసులు ఓ స్మగ్లర్‌ను అరెస్టు చేసి 10 ఎర్రచందనం దుంగలను స్వాధీనం చేసుకున్నారు. టాస్క్‌ఫోర్సు ఎస్పీ శ్రీనివాస్‌ ఆధ్వర్యంలో ఆర్‌ఐ సురే్‌షకుమార్‌రెడ్డికి చెందిన ఆర్‌ఎ్‌సఐ విష్ణువర్థన్‌ బృందం అటవీశాఖ అధికారులతో కలిసి శ్రీవారి మెట్టు నుంచి కూంబింగ్‌ నిర్వహించారు. చంద్రగిరి మండలం చీగటీగల కోన వద్ద శనివారం ఉదయం కొంతమంది ఎర్రచందనం దుంగలను మోసుకుని వస్తూ టాస్క్‌ఫోర్సు పోలీసులకు కనిపించారు. వారిని పట్టుకునేందుకు ప్రయత్నించగా దుంగలు పడేసి పారిపోయారు. ఒకరిని పట్టుకున్నారు. నిందితుడు తమిళనాడులోని తిరువణ్ణామలై జిల్లాకు చెందిన వ్యక్తిగా గుర్తించారు. 10 ఎర్రచందనం దుంగలను స్వాధీనం చేసుకుని తిరుపతి టాస్క్‌ఫోర్స్‌ పోలీ్‌సస్టేషన్‌కు తరలించారు. ఎస్‌ఐ సీహెచ్‌ రఫీ కేసు నమోదు చేసి దర్యాప్తు చేస్తున్నారు.
