పెచ్చులూడిన విశ్రాంతి గది
ABN , Publish Date - Nov 08 , 2024 | 02:37 AM
తిరుపతి రైల్వేస్టేషన్‌ విశ్రాంతి హాలులో గురువారం శ్లాబ్‌ పెచ్చులూడి పడి ముగ్గురు ప్రయాణికులు గాయపడ్డారు.
ముగ్గురు ప్రయాణికులకు గాయాలు
తిరుపతి రైలే ్వస్టేషన్‌లో ఘటన
తిరుపతి(సెంట్రల్‌)నవంబరు7(ఆంధ్రజ్యోతి): తిరుపతి రైల్వేస్టేషన్‌ విశ్రాంతి హాలులో గురువారం శ్లాబ్‌ పెచ్చులూడి పడి ముగ్గురు ప్రయాణికులు గాయపడ్డారు. మొదటి ప్లాట్‌ఫారంలో ఉన్న మహిళల విశ్రాంతి హాలులో గురువారం మధ్యాహ్నం విశ్రాంతి తీసుకుంటున్న మహిళలపై సిమెంటు పెచ్చులూడి పడ్డాయి. ముగ్గురు గాయపడడంతో వారిని రుయాస్పత్రికి తరలించారు. ఇందులో ఒకరికి తీవ్రంగానూ, మరో ఇద్దరికి స్వల్పంగానూ గాయాలయ్యాయి. పాత భవనాలకు మరమ్మతులు చేయకపోవడం వల్లే ఈ పరిస్థితి వచ్చిందని ప్రయాణికులు ఆరోపిస్తున్నారు.
