కుండలేశ్వరం.. భక్త జనసంద్రం

కాట్రేనికోన, నవంబరు 11(ఆంధ్రజ్యోతి): కుండలేశ్వరంలో సోమవారం అధిక సంఖ్యలో భక్తులు స్వామిని దర్శించుకున్నారు. ఆలయ ప్రధాన అర్చకుడు కాళ్ళకూరి కామేశ్వరరావు ఆధ్వర్యంలో సీనియర్‌ తెలుగుదేశం నాయకుడు నిమ్మకాయల జగ్గయ్యనాయుడు దంపతులు ఆలయ ప్రాంగణంలో రుద్ర హోమం, మృత్యుంజయ హోమం నిర్వహించారు. వేలాది మంది భక్తులు ప్రత్యేక పూజలు నిర్వహించారు. ఆలయ ఆవరణలోని రుక్మిణీసమేత వేణుగోపాలస్వామి, ఆంజనేయస్వామి, సుబ్రహ్మణ్యేశ్వరస్వామి, కనకదుర్గ దేవతలను భక్తులు దర్శించుకున్నారు. చెయ్యేరు, పి.లక్ష్మివాడ, ఉప్పూడి, కాట్రేనికోన, నడవపల్లి, గెద్దనపల్లి, కందికుప్ప, పల్లంకుర్రు, మగసానితిప్ప శివాలయాలకు భక్తులు పోటెత్తారు. ఆలయానికి తరలివచ్చిన భక్తులకు ఉదయం అల్పాహారం, మధ్యాహ్నం భోజన వసతిని నిమ్మకాయల వెంకటరంగయ్య కుమారుడు సీనియర్‌ తెలుగుదేశం నాయకుడు జగ్గయ్యనాయుడు ఏర్పాటుచేశారు. పది వేల మంది అన్నసమారాధనలో పాల్గొన్నారు. గోకరకొండ సత్తిబాబు, ఇసుకపట్ల వెంకటేశ్వరరావు, గంటి సుధాకర్‌, త్సవటపల్లి నాగు, పీఎస్‌ఎన్‌ రాజు, గంగుమళ్ళ నిరంజనరావు, ఆకేటి విష్ణుమూర్తి, గంగుమళ్ళ భాను, అడపా వెంకటేశ్వరరావు, గంగుమళ్ళ రవి, సంసాని నాగేశ్వరరావు, గంగుమళ్ళ భద్రరావు పాల్గొన్నారు.