నామినేటెడ్‌ పదవుల్లో బీసీలకు పెద్దపీట

రాజమహేంద్రవరం సిటీ, నవంబరు 10,( ఆంధ్రజ్యోతి): నామినేటేడ్‌ పదవుల్లో బీసీలకు కూటమి ప్రభుత్వం పెద్దపీట వేసిందని శెట్టిబలిజ డవలప్‌మెంట్‌ కార్పొరేషన్‌ స్టేట్‌ చైర్మన్‌ కుడుపూడి సత్తిబాబు అన్నారు. రాజమహేంద్రవరంలోని తన కార్యాలయంలో ఆదివారం సాయంత్రం విలేకరులతో మాట్లాడారు. సామా న్య కార్యకర్తగా ఉన్న తనకు పార్టీ ఎన్నో పదవులు కట్టబెట్టిందన్నారు. పార్టీ జెండా పట్టుకుని ఎన్నికష్టాలు వచ్చినా జెండాను వీడకుండా పార్టీలు మారకుండా నిలబడిన తనను గుర్తించి ఈరోజు స్టేట్‌ చైర్మన్‌ పదవి ఇవ్వడం చాలా ఆనందంగా ఉందన్నారు. ఈ విషయం లో టీడీపీ అధినేత సీఎం చంద్రబాబు, మంత్రి లోకేశ్‌, రాజమహేంద్రవరం ఎమ్మెల్యే ఆదిరెడ్డి శ్రీనివాస్‌, మాజీ ఎమ్మెల్సీ ఆదిరెడ్డి అప్పారావులకు కృతజ్ఞతలు తెలిపారు. కూటమి ప్రభుత్వం అన్నింటికి ప్రాధాన్యత ఇస్తూ శెట్టిబలిజ గౌడ, శ్రీశ యన,యాత సంఘీయుల అభివృధ్దికి పాటుపడుతుందన్నారు. గత ప్రభుత్వం నమ్మించి మోసం చేస్తే తమ కూటమి ప్రభుత్వం ఇచ్చిన హామీలన్ని నెరవేరుస్తుందన్నారు. లాలాచెరువు సెంటర్‌లో దొమ్మేటి వెంకటరెడ్డి విగ్రహాన్ని ఏర్పాటు చేస్తానని, సంఘీయుల అభివృధ్దికి శక్తివంచన లేకుండా కృషి చేస్తానని చెప్పారు. అనంతరం చైర్మన్‌ సత్తిబాబును శెట్టిబలిజ సంఘీయులు, టీడీపీ నాయకులు ఘనంగా సత్కరించారు. సమావేశంలో టీడీపీ నాయకులు ముసిని బాబూరావు ,కడలి రామకృష్ణ,కడియాల భద్రరావు దొంగ నాగమణి, పిల్లి శ్యామ్‌, కడియాల శ్రీనివాస్‌ పాల్గొన్నారు.