రూ.16లక్షలకు బెల్ట్‌షాపు పాట

అల్లవరం, సెప్టెంబరు21: ఎన్‌.రామేశ్వరం తీర గ్రామంలో అనధికార మద్యం బెల్ట్‌ షాపునకు వేలం నిర్వహించగా రూ.16లక్షలకు వేలం పాట జరిగింది. ఈతీర గ్రామంలో యానాం నాన్‌ డ్యూటీ పెయిడ్‌ మద్యాన్ని విక్రయిస్తున్నారు. రామేశ్వరం వంతెనవద్ద దుర్గగుడి సమీపాన నిబంధనలకు విరుద్ధంగా మద్యం అమ్మకాలు జరుగుతున్నా ఎక్సైజ్‌, పోలీస్‌శాఖలు పట్టించుకోవడంలేదని ప్రజలు ఆరోపిస్తున్నారు. మొల్లేటి మొగ ప్రాంతం మీదుగా యానాం నుంచి భారీగా మద్యం సీసాలను తరలిస్తూ అమ్మకాలు జరుపుతున్నారు. రూ.16లక్షలకు పాట పాడుకున్న మద్యం వ్యాపారులు పర్మినెంట్‌ షాపు నిర్మాణానికి సన్నాహాలు చేస్తున్నారు. ఎన్‌.రామేశ్వరం బెల్ట్‌షాపులో మద్యం అమ్మకాలు నిషేధించాలని గ్రామస్థులు కలెక్టర్‌కు, జిల్లాఎక్సైజ్‌ అధికారులకు విజ్ఞప్తి చేస్తున్నారు.