AP News: ఏపీలో ఘోర రోడ్డు ప్రమాదం.. పెద్ద సంఖ్యలో మృతులు

దేవరపల్లి: తూర్పు గోదావరి జిల్లా దేవరపల్లి మండలం చిన్నాయిగూడెం వద్ద మంగళవారం రాత్రి ఘోర రోడ్డు ప్రమాదం జరిగింది. జీడిగింజల లోడుతో వెళ్తున్న డీసీఎమ్ లారీ బోల్తా కొట్టింది. ఈ ఏకంగా ఏడుగురు మృత్యువాతపడ్డారు. ఒక వ్యక్తికి తీవ్రమైన గాయాలు అయ్యాయి.

వాహనం టీ నరసాపురం మండలం బొర్రంపాలెం నుంచి నిడదవోలు మండలం తాడిమల్ల వెళ్తుండగా ఈ ప్రమాదం జరిగింది. చిన్నయగూడెం శివారులో అదుపు తప్పి పంట కాలువలో బోల్తా పడింది. ఆ సమయంలో వ్యాన్‌లో 10 మంది ప్రయాణించారు. జీడీ గింజల బస్తాల కింద చిక్కుకోవడంతో ఊపిరాడక ఏడుగురు మృతి చెందారు. కేబిన్‌లో ఉన్న వారు అందరూ సురక్షితంగా ఉన్నారు.

స్థానికుల సహాయంతో మృతదేహాలను దేవరపల్లి పోలీసులు వెలికి తీశారు. మృతదేహాలను పోస్ట్‌మార్టం నిమిత్తం కొవ్వూరు ప్రభుత్వ ఆసుపత్రికి తరలించారు. మృతులు అందరూ నిడదవోలు మండలం తాడిమల్ల గ్రామానికి చెందినవారు. మృతుల పేర్లు తమ్మి రెడ్డి సత్యనారాయణ (45), 2.దేశాభత్తుల వెంకటరావు(40), 3.బొక్కా ప్రసాద్(32), 4.పెనుగుర్తి చిన్న ముసలయ్య(35), 5. కత్తివ కృష్ణ(40), 6.కత్తివ సత్తిపండు (40), 7. తాడి కృష్ణ(45) అని పోలీసులు తెలిపారు.