రసవత్తరంగా రాష్ట్ర స్థాయి ఖోఖో పోటీలు

రసవత్తరంగా రాష్ట్ర స్థాయి ఖోఖో పోటీలు

12 జట్లు.. 25వ తేదీ వరకు నిర్వహణ

కారంపూడి, నవంబరు 23 (ఆంధ్రజ్యోతి): స్కూల్‌ గేమ్స్‌ ఫెడరేషన ఆధ్వర్యంలో రాష్ట్రస్థాయి అండర్‌ - 14 బాలబాలికల ఖోఖో పోటీలు కారంపూడి బ్రహ్మనాయుడు జిల్లా పరిషత హైస్కూల్‌లో శనివారం ప్రారంభమయ్యాయి. ఎమ్మెల్యే జూలకంటి బ్రహ్మానందరెడ్డి పోటీలను క్రీడా జ్యోతిని వెలిగించి ప్రారంభించారు. మొత్తం 12 జట్లు పోటీల్లో పాల్గొననున్నాయి. ఈ నెల 25వ తేదీ వరకు పోటీలు జరగనున్నాయి. శ్రీకాకుళంపై గుంటూరు జట్టు విజయం శనివారం జరిగిన పోటీల్లో బాలుర విభాగంలో గుంటూరు జట్టు శ్రీకాకుళం జట్టుపై 12-11 తేడాతో విజయం సాధించింది. విశాఖపట్నం జట్టు అనంతపురం జట్టుపై 17-15, ఈస్ట్‌గోదావరి జట్టు నెల్లూరు జట్టుపై 15-13, విజయనగరం జట్టు వెస్ట్‌గోదావరి జట్టుపై 14-7 తేడాతో గెలుపొందాయి. బాలికల విభాగంలో వెస్ట్‌గోదావరి జట్టు కర్నూలు జట్టుపై 10-6, విజయనగరం జట్టు నెల్లూరు జట్టుపై 6-3, అనంతపురం జట్టు కృష్ణా జట్టుపై 15-1, కడప జట్టు గుంటూరు జట్టుపై 9-7 తేడాతో గెలుపొందాయి. ఈ పోటీలను హెచఎం రఘుబాబు, పీఈటీలు స్వర్ణరాజు శ్రీనివాసరావు, విద్యా కమిటీ చైర్మన బాలునాయక్‌, పూర్వ విద్యార్థి సంఘ నేత షేక్‌ మోదీనసాలు పర్యవేక్షిస్తున్నారు.