బాపట్లలో యువకుడి దారుణ హత్య
ABN , Publish Date - May 16 , 2024 | 12:52 AM
పట్టణంలోని పాత బస్టాండ్‌ దగ్గర గుర్తు తెలియని యువకుడిపై కొంతమంది దాడి చేసి హత్య చేశారు.
బాపట్ల, మే 15 : పట్టణంలోని పాత బస్టాండ్‌ దగ్గర గుర్తు తెలియని యువకుడిపై కొంతమంది దాడి చేసి హత్య చేశారు. స్థానికులు గుర్తించి 108 అంబులెన్సకు సమాచారం ఇవ్వగా బాపట్ల ఏరియా వైద్యశాలకు తరలించారు. యువకుడు మృతి చెందినట్టుగా వైద్యులు నిర్ధారించారు. పాత కక్షల నేపథ్యంలో జరిగిందా లేక ఎన్నికల వివాదాలలో భాగంగా ఈ సంఘటన జరిగిందా అనే కోణంలో పట్టణ సీఐ యు.శ్రీనివాసులు దర్యాప్తు చేస్తున్నారు. బుధవారం రాత్రి పాత బస్టాండ్‌ బార్‌ దగ్గర నుండి నడుచుకుంటూ వస్తున్న యువకుడిని వెనుక నుండికారులో వచ్చిన వారు ఢీకొట్టి కొందరు కారులో నుండి దిగి కత్తులతో దాడి చేసినట్టు స్థానికులు చెబుతున్నారు. పూర్తి వివరాలు తెలియాల్సి ఉంది.
