పెండింగు కేసులను త్వరితగతిన పూర్తి చేయండి: డీఎస్పీ
ABN , Publish Date - Oct 25 , 2024 | 12:04 AM
స్టేషనలో ఉన్న పెండింగు కేసులన్నీ త్వరగా పూర్తి చేయాలని, రాత్రులు గస్తీని ముమ్మరం చేయాలని కడప డీఎస్పీ వెంకటేశ్వర్లు సూచించారు.
కడప క్రైం, అక్టోబరు 24 (ఆంధ్రజ్యోతి): స్టేషనలో ఉన్న పెండింగు కేసులన్నీ త్వరగా పూర్తి చేయాలని, రాత్రులు గస్తీని ముమ్మరం చేయాలని కడప డీఎస్పీ వెంకటేశ్వర్లు సూచించారు. కడప వనటౌన పోలీసుస్టేషనను గురువారం ఆయన ఆకస్మిక తనిఖీలు నిర్వహించారు. కేసులకు సంబంధించి పలు రికార్డులను పరిశీలించారు. రాత్రిళ్లు అనుమానంగా తిరిగే వారిని పూర్తిస్థాయిలో విచారించాలని సూచించారు. అసాంఘిక కార్యకలాపాలపై గట్టి నిఘా ఉంచాలని, అలాగే పాత నేరస్తుల కదలికలపై కూడా ఎప్పటికప్పుడు అరాతీస్తూ ఉండాలని ఆదేశించారు.
