రాయలసీమ స్థాయి క్రీడా పోటీలు ప్రారంభం
ABN , Publish Date - Nov 15 , 2024 | 12:47 AM
ఐదురోజుల పాటు జరగనున్న రాయలసీమ స్థాయి జోన-4 క్రీడా పోటీలు గురువారం ఇప్పట్ల గురుకుల పాఠశాలలో ప్రారంభమయ్యాయి.
లింగాల, నవంబరు 14 (ఆంధ్రజ్యోతి): ఐదురోజుల పాటు జరగనున్న రాయలసీమ స్థాయి జోన-4 క్రీడా పోటీలు గురువారం ఇప్పట్ల గురుకుల పాఠశాలలో ప్రారంభమయ్యాయి. రాయలసీమ వ్యాప్తంగా ఉన్న 38 గురుకుల కళాశాలల నుంచి 700 మంది బాలికలు క్రీడా పోటీలకు హాజరయ్యారు. కబడ్డీ, వాలీఆల్‌, ఖోఖో, చెస్‌, క్యారమ్స్‌, త్రోబాల్‌, రన్నింగ్‌, షాట్‌పుట్‌ పోటీలు నిర్వహిస్తారు. జోనల్‌ పోటీల్లో కడప జిల్లా ఇనచార్జ్‌ ఉదయశ్రీ, లింగాల ఎంపీపీ రమాదేవి, ఇప్పట్ల సర్పచు అంకాళమ్మ, పులివెందుల రూరల్‌ సీఐ ఎనవీ రమణ, ఎస్‌ఐ మధుసూధనరావు, గురుకుల పాఠశాల ప్రిన్సిపల్‌ సత్యవతమ్మ, ఎంఈఓ రామకృష్ణయ్య, తులశమ్మ ప్రారంభ వేడుకలలో పాల్గొన్నారు.
