ఉపాధి పనులను వేగవంతం చేయండి
ABN , Publish Date - Nov 15 , 2024 | 12:08 AM
ఉపాధి హామీ పథకంలో చేపట్టిన పనులను వేగవంతం చేయాలని డ్వామా పీడీ వెంకటరత్నం పేర్కొన్నారు.
గుర్రంకొండ, నవంబరు 14 (ఆంధ్రజ్యోతి):ఉపాధి హామీ పథకంలో చేపట్టిన పనులను వేగవంతం చేయాలని డ్వామా పీడీ వెంకటరత్నం పేర్కొన్నారు. స్థానిక ఎంపీడీవో కార్యాలయం లో గురువారం ఆయన ఉపాధి సిబ్బందితో సమావేశం నిర్వహిం చారు. ఈ సందర్భంగా ఆయన మాట్లాడుతూ గ్రామాల్లో చేపట్టిన సీసీ రోడ్లు, పండ్లతోటల పెంపకం, ఇంకుడు గుంతల పనులను వేగవంతం చేయాలని తెలిపారు. కూలీలు పనులకు వచ్చేలా సిబ్బంది పనులపై అవగాహన కల్పించాలన్నారు. ఫీల్డ్‌ అసిస్టెంట్లు రైతులకు అవసరమైన పనులను గుర్తించి చేయించాలన్నారు. కార్యక్రమంలో ఎంపీడీవో వెంకటేశులు, ఏపీవో జయరామిరెడ్డి, టెక్నికల్‌ అసిస్టెంట్లు పాల్గొన్నారు.
