Kesineni Chinni: రా కదలిరా సభకు 2 లక్షల మంది వస్తారు

అమరావతి: తిరువూరులో రేపు చంద్రబాబు నిర్వహించే రా కదలిరా సభకు 2 లక్షల మంది వస్తారని టీడీపీ సీనియర్ నేత కేశినేని శివనాథ్ (చిన్నీ) అంచనా వేశారు. నేడు ఆయన మీడియాతో మాట్లాడుతూ.. కనిగిరిరి సభ విజయోత్సాహంతో అన్ని ఏర్పాట్లు పకడ్బందీగా చేస్తున్నామన్నారు. అక్రమ కేసులో చంద్రబాబు అరెస్టై విడుదల అయ్యాక ఆయన ఎలా ఉన్నారో చూసేందుకు ఎన్టీఆర్ జిల్లా ప్రజలు ఆసక్తిగా ఎదురు చూస్తున్నారని కేశినేని చిన్ని పేర్కొన్నారు. 26 ఎకరాల్లో సభ నిర్వహణకు అన్ని ఏర్పాట్లు పూర్తి చేశామన్నారు. సభకు వచ్చే ప్రజలకు భోజనం, మంచినీరు వంటి ఏర్పాట్లు లోటు లేకుండా చూడటమే తమ బాధ్యత అని కేశినేని చిన్ని పేర్కొన్నారు.