25, 26 తేదీల్లో కార్తీక దీపోత్సవం, వ్రతాలు
ABN , Publish Date - Nov 20 , 2024 | 12:29 AM
సత్యనారాయణపురంలోని విజ్ఞాన్‌ విహార్‌లో ఈ నెల 24, 25 తేదీల్లో కార్తీక దీపోత్సవం (లక్ష), 26న సామూహిక సత్యనారాయణస్వామి వ్రతాలు నిర్వహిస్తున్నట్లు శత సహస్ర (లక్ష) దీపార్చన సేవా మండలి కార్యదర్శి నాగలింగం శివాజీ తెలిపారు.
25, 26 తేదీల్లో కార్తీక దీపోత్సవం, వ్రతాలు
లబ్బీపేట, నవంబరు 19 (ఆంధ్రజ్యోతి): సత్యనారాయణపురంలోని విజ్ఞాన్‌ విహార్‌లో ఈ నెల 24, 25 తేదీల్లో కార్తీక దీపోత్సవం (లక్ష), 26న సామూహిక సత్యనారాయణస్వామి వ్రతాలు నిర్వహిస్తున్నట్లు శత సహస్ర (లక్ష) దీపార్చన సేవా మండలి కార్యదర్శి నాగలింగం శివాజీ తెలిపారు. బందరురోడ్డులోని గోకరాజు గంగరాజు కార్యాలయంలో ఈ కార్యక్రమానికి సంబంధించిన వాల్‌పోస్టర్‌ను మాజీ ఎంపీ గోకరాజు గంగరాజు ఆవిష్కరించారు. ఈ సందర్భంగా నాగలింగం శివాజీ మాట్లాడుతూ ఈ కార్యక్రమంలో పాల్గొనదలచిన వారు ఎటువంటి రుసుము చెల్లించనవసరం లేదని, వ్రతంలో పాల్గొనదలచిన వారు ముందుగా పేర్లు నమోదు చేసుకోవాలని తెలిపారు. ఈ కార్యక్రమంలో రాధా మనోహర స్వామి, శ్రీ శైవక్షేత్ర పీఠాధిపతి శివ స్వామీజీ పాల్గొంటారని తెలిపారు. ఈ కార్యక్రమంలో ఎ.బుల్లబ్బాయి, ఎ. శేషుబాబు పాల్గొన్నారు.
