బస్సు ఢీకొని వ్యవసాయ కూలీ మృతి
ABN , Publish Date - Nov 21 , 2024 | 01:08 AM
ద్విచక్రవాహనాన్ని ఆర్టీసీ అద్దె బస్సు ఢీకొని వ్యవసాయ కూలీ మరణించాడు.
ఉయ్యూరు, నవంబరు 20 (ఆంధ్రజ్యోతి): ద్విచక్రవాహనాన్ని ఆర్టీసీ అద్దె బస్సు ఢీకొని వ్యవసాయ కూలీ మరణించాడు. ఈ సంఘటన బుధవారం రాత్రి విజయవాడ- మచిలీపట్నం జాతీయ రహదారిపక్కన గండిగుంటవద్ద సర్వీసు రోడ్డుపై జరిగింది. ఉయ్యూరు పట్టణ పోలీసుల వివరాల ప్రకారం.. గండిగుంట ఆనందపురానికి చెందిన కర్రా రాంబాబు (54) ద్విచక్రవాహనంపై ఉయ్యూరు నుంచి ఇంటికి వెళుతుండగా నాగాయలంక నుంచి విజయవాడ వెళు తున్న బస్సు ఢీకొంది. దీంతో రాంబాబు అక్కడికక్కడే మృతి చెందాడు. కూలి పనులు చేసుకుని జీవనం గడుపుతున్న రాంబాబుకు భార్య, చిన్న పాప, బాబు ఉన్నారు. ప్రమాద సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. మృతదేహాన్ని పోస్టుమార్టం నిమిత్తం ప్రభుత్వ వైద్య శాలకు తరలించి కేసునమోదు చేశారు.
