ఆర్వోబీ వంతెన పనులు తక్షణమే ప్రారంభించాలి

ఆర్వోబీ వంతెన పనులు

తక్షణమే ప్రారంభించాలి

సీపీఎం రాష్ట్ర కార్యదర్శివర్గ సభ్యుడు బాబూరావు

గుణదల, మార్చి 7: 15 సంవత్సరాలుగా నిలిచిపోయిన ఆర్వోబీ వంతెన పనులు తక్షణమే ప్రారంభించాలని సీపీఎం రాష్ట్ర కార్యదర్శి వర్గ సభ్యులు సిహెచ్‌ బాబూరావు రాష్ట్ర ప్రభుత్వాన్ని డిమాండ్‌ చేశారు. గుణదల్లో ఆర్వోబీ వంతెన పనులు నిలిచిపోయిన ప్రదేశంలో గురువారం సీపీఎం నాయకులు నిరసన దీక్ష చేపట్టారు. మీడియాను ఉద్దేశించి సిహెచ్‌.బాబూరావు మాట్లాడుతూ 15 ఏళ్లుగా మొండి గోడలతో నిలిచిపోయిన గుణదల ఆర్వోబీ వంతెన నిర్మాణానికి ఎన్నికల నోటిఫికేషన్‌ లోపే నిధులు మంజూరు చేయాలని డిమాండ్‌ చేశారు. కాల్వకట్లపై నివాసాలు ఉండేవారికి పట్టాలు ఇవ్వాలని కోరారు. వ్యక్తిగత ప్రయోజనాల కోసం బ్రిడ్జి పనులు ప్రారంభం కాకుండా ప్రజా ప్రతినిధులే అడ్డుపడుతున్నారని ఆరోపించారు. సీపీఎం నేతలు బి.రమణారావు, కోట కల్యాణ్‌, షకీలా, గోవిందు, అజయ్‌, ప్రసన్న, లక్ష్మణ, లక్ష్మి సాగర్‌, ప్రవీణ్‌, సుప్రజ పాల్గొన్నారు.