అర్ధశాస్త్రంతో ఉపాధి మెండు

అర్ధశాస్త్రంతో ఉపాధి మెండు

ఏఎన్‌యూ ప్రొఫెసర్‌ సీఎస్‌ఎన్‌ రాజు

లబ్బీపేట, నవంబరు 21 (ఆంధ్ర జ్యోతి): అర్ధశాస్త్రం చదవడం వలన అనేక ఉపాధి అవకాశాలు ఉన్నాయని ఆచార్య నాగార్జున యునివర్సీటీ ప్రొఫెసర్‌ సీఎస్‌ఎన్‌ రాజు తెలిపారు. సిద్ధార్థ మహిళా కళాశాలలో గురువారం కళాశాల అర్ధశాస్త్ర విభాగం ఆధ్వర్యంలో ప్రవాహ్‌-2కే24 కార్యక్రమం నిర్వహిం చారు. ఈ కార్యక్రమంలో ముఖ్య అతిఽథిగా పాల్గొన్న ఆయన మాట్లాడుతూ జాతీయంగా, అంతర్జాతీయంగా ఫైనాన్షియల్‌, బ్యాంకింగ్‌ సెక్టార్లలో మంచి ఉద్యోగావకాశాలు ఉన్నాయని, ప్రత్యేకంగా మహిళలు అర్ధశాస్త్ర విభాగంలో అనేక రకాలైన ఉన్నత పదవులను అధిరోహించిన విధానాన్ని విద్యార్థులకు వివరించారు. ఈ సందర్భంగా విద్యార్థినులకు అర్ధశాస్ర్తానికి సంబం ధించిన పలు అంశాలపై వక్తృత్వ పోటీలు నిర్వహించి విజేతలకు బహుమతులు అందజేశారు. ఈ కార్యక్రమంలో ఐఏఎస్‌ అకాడమి ఎండీ ప్రొఫెసర్‌ ఎం.విజయ కుమార్‌, కళాశాల ప్రిన్సిపాల్‌ ఎస్‌.కల్పన, కళాశాల స్పెషల్‌ ఆఫీసర్‌ ఆర్‌.మాధవి, ఉపాధ్యాయులు పాల్గొన్నారు.