రోడ్డు ప్రమాదంలో నలుగురికి గాయాలు
ABN , Publish Date - Nov 17 , 2024 | 12:56 AM
మచిలీపట్నం-విజయవాడ ప్రధాన జాతీయ రహదారిపై కొండిపర్రు అడ్డరోడ్డు వద్ద శనివారం జరిగిన రోడ్డు ప్రమాదం లో నలుగురు గాయపడ్డారు.
పామర్రు, నవంబరు 16 (ఆంద్రజ్యోతి) : మచిలీపట్నం-విజయవాడ ప్రధాన జాతీయ రహదారిపై కొండిపర్రు అడ్డరోడ్డు వద్ద శనివారం జరిగిన రోడ్డు ప్రమాదం లో నలుగురు గాయపడ్డారు. కొండిపర్రు నుంచి పామర్రుకు ఉండ్రపూడికి చెందిన వెంకటకృష్ణారావు, శేషమ్మ దంపతులు టీవీఎస్‌ మోపెడ్‌పై వస్తూ రోడ్‌ క్రాస్‌ చేస్తుండగా విజయవాడ నుంచి బందరు వెళ్తున్న పల్సర్‌ బైక్‌ ఢీకొంది. బైక్‌పై ఉన్న యువకులు అడపా బాలాజీ, నరేంద్రతోపాటు వెంకట కృష్ణారావు, శేషమ్మ గాయపడ్డారు. అయప్పమాలలో ఉన్న వెంకట కృష్ణారావు కాలికి తీవ్రగాయమైంది. వారిని హైవే 108 అంబులెన్సు ద్వారా విజయవాడ ఆస్పత్రికి చికిత్స నిమిత్తం తరలించి కేసు నమోదు చేసి, దర్యాప్తు చేస్తున్నట్టు ఎస్సై సీహెచ్‌ అవినాష్‌ తెలిపారు.
