విద్యుత్‌ షాక్‌తో తాపీమేస్త్రి మృతి
ABN , Publish Date - Nov 12 , 2024 | 12:56 AM
వలంద పాలెంలో తాపీమేస్ర్తీ విద్యుత్‌ఘాతంతో మృతిచెందాడు.
మచిలీపట్నం టౌన్‌, నవంబరు 11 (ఆంధ్రజ్యోతి): వలంద పాలెంలో తాపీమేస్ర్తీ విద్యుత్‌ఘాతంతో మృతిచెందాడు. పోలీసులు తెలిపిన వివరాల ప్రకారం.. గూడూరు మండలం కోకనారాయణ పాలెం గ్రామానికి చెందిన తటవర్తి నరసయ్య(26) తాపీ పనికోసం వలందపాలెం వచ్చాడు. నూతన భవన నిర్మాణ పనులు చేస్తుండగా పక్కన ఉన్న విద్యుత్‌ హైటెన్షన్‌ వైరు తగిలి అక్కడికక్కడే మృతిచెం దాడు. పేదరికంలో ఉన్న మృతుడి కుటుంబాన్ని ఆదుకోవాలని ఇంటి యజమానితో టీడీపీ నాయకులు సంప్రదింపులు జరిపారు. పోలీ సులు కేసు నమోదు చేసి దర్యాప్తు చేస్తున్నారు.
