24న ఎన్టీఆర్‌ సినీ వజ్రోత్సవం

ధర్నాచౌక్‌, నవంబరు 14 (ఆంధ్రజ్యోతి): ఎన్టీఆర్‌ సినీ వజ్రోత్సవ వేడుకలు ఈనెల 24న విజయవాడలో నిర్వహించనున్నట్టు ఎన్టీఆర్‌ శత జయంతి ఉత్సవ కమిటీ చైర్మన్‌ తొండెపు దశరథ జనా ర్దన్‌ తెలిపారు. గాంధీనగర్‌లోని తెలుగు ఫిలిం చాంబర్‌ హాల్‌లో గురువారం నిర్వహించిన కమిటీ నేతల సమావేశంలో ఆయన మాట్లాడారు. వజ్రోత్సవ వేడుకల్లో దేశవ్యాప్తంగా పలు భాషల ప్రముఖ నట దిగ్గజాలు పాల్గొంటారన్నారు. విజయవాడలో ఎన్టీఆర్‌ స్మారక ఉద్యానవనాన్ని ఏర్పాటు చేసేందుకు తెలుగు సినీ ముఖ్యు లతో పాటు సీఎం చంద్రబాబు ఆసక్తితో ఉన్నారన్నారు. నగరంలోనూ రామోజీ ఫిలింసిటీ లాంటి స్టూడియో ఏర్పాటుకు సహకారం అంది స్తామన్నారు. సినీ పరిశ్రమ ఎదుర్కొంటున్న సమస్యలు పరిష్క రించేందుకు చంద్రబాబు సానుకూలంగా ఉన్నారన్నారు. వేదికపై అనాటి సినీ ప్రముఖులను సన్మానిస్తామన్నారు. పాలేపు రామారావు, నవరంగ్‌ థియేటర్‌ అధినేత భూపాల్‌ ప్రసాద్‌, ఉర్వశీ ఽథియేటర్‌ అధి నేత విశ్వనాధ్‌, ముత్తవరపు శ్రీనివాసులు, రాంగోపాల్‌ రామచంద్ర రావు, శక్తి పిక్చర్‌ రమేష్‌, తెలుగు ఫిలిం చాంబర్‌ సహ కార్యదర్శి శివ, విశ్వేశ్వరరావు, కృష్ణ పాల్గొన్నారు.