ఎమ్మిగనూరు ఎంఈవోపై చర్యలు తీసుకోవాలి

కర్నూలు కలెక్టరేట్‌, డిసెంబరు 23(ఆంధ్రజ్యోతి): విద్యార్థినిపై చేయి చేసుకున్న ఎమ్మిగనూరు ఎంఈవోపై చర్యలు తీసుకోవాలని కోరుతూ సోమవారం ప్రజా సమస్యల పరిష్కార వేదికలో విద్యార్థిని తల్లిదండ్రులు, ఎస్‌ఎఫ్‌ఐ నాయకులు జాయింట్‌ కలెక్టర్‌కు బి.నవ్యకు వినతిపత్రం అందజే శారు. ఈ సందర్భంగా వారు మాట్లాడుతూ ఎమ్మిగనూరు మండలం పర్లపల్లె గ్రామంలోని జడ్పీహెచఎస్‌ పాఠశాలలో 8వ తరగతి చదువుతున్న విద్యార్థిని పై ఎంఈవో-2 మధుసూదనరాజు, డిసెంబరు 11వ తేదీన చేయి చేసుకున్నా డని అన్నారు. ఆయనపై ఈ నెల 16న డిప్యూటీ డీఈవో వెంకటరమణారెడ్డికి ఫిర్యాదు చేశామన్నారు. డిప్యూటీ డీఈవో విచారణ చేసి ఆరు రోజులవుతున్నా కూడా ఎటువంటి చర్యలు తీసుకోలేదని ఆరోపించారు. కార్యక్రమంలో ఎస్‌ ఎఫ్‌ఐ జిల్లా కార్యదర్శి అబ్దుల్లా, అమర్‌, సాయి ఉదయ్‌, ఆర్యన పాల్గొన్నారు.