మోటార్‌ సైకిళ్ల దొంగ అరెస్టు

20 బైక్‌ల స్వాధీనం

నంద్యాల క్రైం, నవంబరు 11 (ఆంధ్రజ్యోతి): నంద్యాల ఎస్డీపీఓ ఎన్‌.యుగంధర్‌బాబు ఆధ్వర్యంలో నంద్యాల వ న్‌టౌన్‌ సీఐ జి.సుధాకర్‌రెడ్డి, సీసీఎస్‌ సీఐ సురే్‌షకుమార్‌, సిబ్బంది మోటార్‌సైకిళ్ల దొంగను అరెస్ట్‌ చేశారు. సోమవారం ఎస్పీ అధిరాజ్‌ సింగ్‌ రాణా విలేకరుల సమావేశంలో వివరాలు వెల్లడించారు. మహానంది మండలం బసవాపురానికి చెందిన కాలే వెంకటరమణ నం ద్యాల, ప్రకాశం జిల్లాల్లో మోటార్‌సైకిళ్ల దొంగతనాలకు పాల్పడేవాడని తెలిపారు. ఇప్పటివరకు నంద్యాల పట్టణం, ప్రకాశం జిల్లాలోని పలు పోలీస్‌ స్టేషన్ల పరిధిలో మోటార్‌సైకిళ్ల దొంగతనాలకు పాల్పడ్డాడన్నారు. నిందితుడు సోమవారం నంద్యాల చెరువుకట్ట టి జంక్షన్‌ సమీపంలో తచ్చాడుతుండగా అదుపులోకి తీసుకొని అతడి వద్ద నుండి సుమారు రూ.15లక్షల విలువచేసే 20మోటార్‌ సైకిళ్లను స్వాధీనం చేసుకున్నట్లు తెలిపారు.