అహోబిలంలో టీవీఎస్‌ కంపెనీ చైర్మన్‌
ABN , Publish Date - Jul 08 , 2024 | 12:16 AM
టీవీఎస్‌ కంపెనీ చైర్మన్‌ వేణుశ్రీనివాసన్‌ ఆదివారం అహోబిలం శ్రీలక్ష్మీనరసింహస్వామి సన్నిధిలో గడిపారు.
ఆళ్లగడ్డ, జూలై 7: టీవీఎస్‌ కంపెనీ చైర్మన్‌ వేణుశ్రీనివాసన్‌ ఆదివారం అహోబిలం శ్రీలక్ష్మీనరసింహస్వామి సన్నిధిలో గడిపారు. అహోబిలంలో జరుగు తున్న జీర్ణోద్ధరణ, అష్టదిగ్బంధన, మహాసంప్రోక్షణ కార్యక్రమాల్లో జరిగిన హోమాల్లో పీఠాధిపతి రంగనాధయతీంద్ర మహాదేశికన్‌తో కలిసి పాల్గొన్నారు. ముందుగా పీఠాధిపతిని మర్యాద పూర్వకంగా కలిసి అహోబిలం అభివృద్ధిపై చర్చించుకున్నారు. అహోబిలానికి ఉదయం మద్రాసు నుంచి హెలికాప్టర్‌ చేరుకున్న వేణు శ్రీనివాసన్‌కు వేదపండితులు పూర్ణకుంభంతో స్వాగతం పలికా రు. శ్రీలక్ష్మీనరసింహస్వామికి జరిగిన హోమాల్లో పాల్గొన్న ఆయన తిరిగి మధ్యాహ్నం మద్రాసుకు బయలుదేరివెళ్లారు. ఈయన రాకను పురస్కరించుకొని ఆళ్లగడ్డ డీఎస్పీ షర్ఫుద్దీన్‌ గట్టి బందోబస్తు ఏర్పాటు చేశారు.
