మహానందిలో డీఐజీ పూజలు
ABN , Publish Date - Nov 17 , 2024 | 11:33 PM
మహానంది క్షేత్రంలో కర్నూలు రేంజ్‌ డీఐజీ కోయ ప్రవీణ్‌ ఆదివారం ప్రత్యేక పూజలు నిర్వహించారు.
మహానంది, నవంబరు 17 (ఆంధ్రజ్యోతి): మహానంది క్షేత్రంలో కర్నూలు రేంజ్‌ డీఐజీ కోయ ప్రవీణ్‌ ఆదివారం ప్రత్యేక పూజలు నిర్వహించారు. వీరికి ఆలయం ముఖద్వారం వద్ద వేదపండితులు స్వాగతం పలికారు. అనంతరం ప్రధాన ఆలయాల్లో కార్తీకమాసం పురస్కరించుకొని ప్రధాన ఆలయాల్లో డీఐజీ కుటుంబ సమేతంగా ప్రత్యేక అభిషేకాలు, కుంకుమార్చన నిర్వహించారు. కల్యాణ మండపంలో వేదపండితులు రవిశంకర్‌ అవధాని ఆశీర్వదించారు. ఆలయ ఈవో నల్లకాల్వ శ్రీనివాసరెడ్డి స్వామివారి మెమెంటోను అందజేశారు. కార్యక్రమంలో ఆలయ ఏఈవో ఎర్రమల్ల మధు, పర్యవేక్షకుడు శశిధర్‌రెడ్డి, టెంపుల్‌ ఇన్‌స్పెక్టర్‌ ఆర్‌ఎస్‌ శ్రీనివాసులు, ఎస్‌ఐ రామ్మోహన్‌రెడ్డి పాల్గొన్నారు.
