సహకార సంఘాల బలోపేతానికి కృషి : కలెక్టర్‌ రాజకుమారి
ABN , Publish Date - Nov 14 , 2024 | 11:37 PM
సహకార సంఘాలు బలోపేతం చేయడానికి కృషి చెయ్యాలని కలెక్టర్‌ రాజకుమారి అన్నారు.
నంద్యాల కల్చరల్‌, నవంబరు 14 (ఆంధ్రజ్యోతి): సహకార సంఘాలు బలోపేతం చేయడానికి కృషి చెయ్యాలని కలెక్టర్‌ రాజకుమారి అన్నారు. గురువారం నంద్యాల పట్టణంలోని జెవిఆర్‌ నగర్‌ హౌస్‌ బిల్డింగ్‌ కో ఆపరేటివ్‌ సొసైటీ ఆవరణలో 71 వ అఖిల భారత సహకార సంఘాల వారోత్సవాలు జరిగాయి. ముఖ్య అతిఽథిగా కలెక్టర్‌ రాజకుమారి హాజరయ్యారు. ఈ సందర్భంగా కలెక్టర్‌ మాట్లాడుతూ సహకార సంఘాల బలోపేతానికి అన్ని సంఘాల పాలక వర్గ సభ్యులతో పాటు సహకార శాఖ అధికారులు, బ్యాంక్‌ సిబ్బంది తమవంతు కృషి చెయ్యాలన్నారు. సహకార చట్టాలకు, నిబంధనలకు సంఘ సభ్యులు లోబడి పనిచేసి అభివృద్ధికి దోహదం చెయ్యాలన్నారు. అలాగే సహకార సంఘాలలోని లోటుపాట్లను గుర్తించి ముందుకు తీసుకొని పోవాలని చెప్పారు. ఈ కార్యక్రమంలో జిల్లా సహకార అధికారి వెంకటసుబ్బయ్య, డీఆర్‌డీఏ పీడీ శ్రీధర్‌రెడ్డి, ఉమ్మడి జిల్లా సహకార బ్యాంక్‌ జనరల్‌ మేనేజర్‌ శివలీల, విజయ డెయిరీ మేనేజింగ్‌ డైరెక్టర్‌ ప్రదీప్‌కుమార్‌ పాల్గొన్నారు.
