ఘనంగా సుకుమార్‌ రెడ్డి జన్మదిన వేడుకలు

కావలిటౌన్‌, జనవరి13: ఏఎంసీ మాజీ చైర్మన్‌, వైసీపీ నాయకులు మన్నెమాల సుకుమార్‌ రెడ్డి జన్మదిన వేడుకలు శనివారం ఘనంగా జరిగాయి. టీచర్స్‌ కాలనీలోని ఆయన నివాసంలో జరిగిన వేడుకలకు సుకుమార్‌రెడ్డి అభిమానులు , వైసీపీ నేతలు, కార్యకర్తలు పెద్దఎత్తున తరలివచ్చారు. భారీ కేక్‌కట్‌ చేయించి పూలమాలలు, బొకేలు, శాలువాలతో ఘనంగా సత్కరించారు. రెడ్‌క్రాస్‌ సహకారంతో ఏర్పాటు చేసిన రక్తదాన శిబిరంలో 192 మంది రక్తదానం చేశారు. రక్తదాతలకు ఆయన బహుమతులు అందచేశారు. అనంతరం సుకుమార్‌రెడ్డి మాట్లాడుతూ తనను నమ్ముకున్నవారికి అండగా ఉంటానన్నారు. అధికారం శాశ్వతం కాదని, తాను అధికారానికి దూరంగా ఉన్నా వేలాదిమంది తనకు మద్దతుగా నిలవడం సంతోషంగా ఉందన్నారు. రానున్న రోజుల్లో సీఎంజగన్‌ నిర్ణయం మేరకే నడుచుకుంటానని తెలిపారు.