విశాఖలో హెలికాప్టర్‌ మ్యూజియం..
ABN , Publish Date - Nov 21 , 2024 | 04:49 AM
విశాఖపట్నం రామకృష్ణా బీచ్‌లో కొత్తగా హెలికాప్టర్‌ మ్యూజియం
విశాఖపట్నం రామకృష్ణా బీచ్‌లో కొత్తగా హెలికాప్టర్‌ మ్యూజియం
ఏర్పాటు చేయబోతున్నారు. ఈ ఏడాది జూన్‌లో సేవల నుంచి
విరమించిన యూహెచ్‌ 3హెచ్‌ హెలికాప్టర్‌ను తూర్పు నౌకాదళం అధికారులు... జిల్లా కలెక్టర్‌కు ఇవ్వగా, ఆయన దానిని విశాఖ
మహా నగర ప్రాంత అభివృద్ధి సంస్థకు అప్పగించి, మ్యూజియంగా మలచాల్సిందిగా ఆదేశించారు. ఈ నేపథ్యంలో హెలికాప్టర్‌ను
భాగాలుగా విడదీసి ఐఎన్‌ఎస్‌ డేగ నుంచి బుధవారం ఆర్‌కే బీచ్‌ రోడ్డుకు తీసుకువచ్చారు. భారీ క్రేన్‌ సాయంతో పనులు
చేస్తున్నారు. దీనిని నాలుగు నెలల్లో సందర్శకులకు అందుబాటులోకి తీసుకువస్తారు.
- విశాఖపట్నం, ఆంధ్రజ్యోతి
