న్యూజిలాండ్‌లో ఎమ్మెల్యేలు ఏలూరి, వర్మకు ఘనస్వాగతం
ABN , Publish Date - Nov 02 , 2024 | 11:43 PM
న్యూజిలాండ్‌ పర్యటనకు వెళ్లిన ఎమ్మెల్యేలు ఏలూరి సాంబశివరావు, వేగేశన నరేంద్ర వర్మకు న్యూజిలాండ్‌లోని మన ఆంధ్ర తెలుగు అసోసియేషన్‌ ఆధ్వర్యంలో ఘన స్వాగతం పలికారు. అనంతరం జరిగిన అసోసియేషన్‌ సభకు ఎమ్మెల్యేలను మంగళ వాయిద్వాలతో తీసుకెళ్లారు.
తెలుగు అసోసియేషన్‌ కృషికి అభినందనలు
అక్కడి మంత్రి, ఎంపీలతో భేటీ
పర్చూరు, నవంబరు 2 (ఆంధ్రజ్యోతి) : న్యూజిలాండ్‌ పర్యటనకు వెళ్లిన ఎమ్మెల్యేలు ఏలూరి సాంబశివరావు, వేగేశన నరేంద్ర వర్మకు న్యూజిలాండ్‌లోని మన ఆంధ్ర తెలుగు అసోసియేషన్‌ ఆధ్వర్యంలో ఘన స్వాగతం పలికారు. అనంతరం జరిగిన అసోసియేషన్‌ సభకు ఎమ్మెల్యేలను మంగళ వాయిద్వాలతో తీసుకెళ్లారు. ఈ సందర్భంగా ఏలూరి మాట్లాడుతూ న్యూజిలాండ్‌లో సైతం తెలుగువారు సంస్కృతి సంప్రదాయాలను కొసనాగిస్తూ ఆదర్శంగా నిలుస్తున్నారని కొనియాడారు. ఆంధ్ర అసోసియేషన్‌ తెలుగువారి కోసం చేస్తున్న కృషి అమోఘమన్నారు. ఎక్కడ ఉన్నా తెలుగు ప్రజలు ఐక్యంగా ఉండాలని ఆకాంక్షించారు. అనంతరం ఎమ్మెల్యేలను దుశ్శాలువా పూలమాలలతో ఘనంగా సత్కరించారు. అనంతరం న్యూజిలాండ్‌ మంత్రి మిచెల్‌ ఉడ్‌, న్యూజిల్యాండ్‌ పార్లమెంట్‌ సభ్యుడు కార్లోస్‌ చియంగ్‌తో ఏలూరి, వర్మ భేటీ అయ్యారు. ప్రభుత్వం అమలు చేస్తున్న ప్రజా సంక్షేమ పథకాలు, అభివృద్ధి పనులపై చర్చించారు. అనంతరం తెలుగు అసోసియేషన్‌ సభ్యులతో సమావేశమయ్యారు. కార్యక్రమంలో మద్దుకూరి దిలీప్‌ పాల్గొన్నారు.
