రాష్ట్ర కబడ్డీ జట్టుకు అడవీధిపాలెం విద్యార్థిని ఎంపిక

చినగంజాం, నవంబరు 14 (ఆంధ్రజ్యోతి) : మండలంలోని మోటుపల్లి గ్రామ పంచాయతీ పరిధిలోని అడవీధిపాలెం జిల్లా పరిషత్‌ ఉన్నత పాఠశాలకు చెందిన దేవండ్ల యామిని రాష్ట్ర కబడ్డీ బాలికల అండర్‌-14 జట్టుకు ఎంపికైంది. ఇటీవల ఉమ్మడి గుంటూరు జిల్లా పిట్టలవారిపాలెం జడ్పీ ఉన్నత పాఠశాలలో స్కూల్‌ గేమ్స్‌ ఫెడరేషన్‌ వారి ఆధ్వర్యంలో జరిగిన జిల్లా స్థాయి పోటీలలో ఉమ్మడి ప్రకాశం జిల్లా కబడ్డీ జట్టు తరపున పాల్గొన్నట్లు పాఠశాల హెచ్‌ఎం ఏ.మాధవీలత గురువారం తెలిపారు. అండర్‌-14 బాలికల కబడ్డీ జట్టులో యామిని ప్రతిభచాటి రాష్ట్ర జట్టుకు ఎంపికైనట్లు తెలిపారు. యామిని 9వ తరగతి చదువుతున్నట్లు తెలిపారు. శిక్షణ అనంతరం జాతీయ స్థాయిలో జరిగే రాష్ట్ర కబడ్డీ జట్టులో పాల్గొనున్నట్లు పాఠశాల పీడీ బి.లలిత తెలిపారు. యామినిని హెచ్‌ఎం, పీడీ, ఉపాధ్యాయులు అభినందించారు.