వేర్వేరు ఘటనల్లో నలుగురు మృతి

త్రిపురాంతకం మండలంలో రెండు బైకులు ఢీ, ఇద్దరు మృతి,

మంటలు చెలరేగడంతో రెండు బైకులు దగ్ధం

త్రిపురాంతకం, నవంబరు 4 ( ఆంధ్రజ్యోతి ) : వే గంగా వస్తున్న రెండు బైకులు ఎ దురెదురుగా ఢీకొని ఇద్దరు మృతి చెందగా మరొకరికి తీవ్ర గాయాల య్యాయి. ఈ ఘటన మండలంలోని వెల్లంపల్లి సమీపంలో జాతీయ రహ దారి 544డీపై సోమవారం చోటుచేసుకొంది. పోలీసులు తెలిపిన వివరాల ప్రకారం, కొష్టాలు గ్రామానికి చెందిన వెన్నం చిన్ననాగయ్య(42) కుంట నుంచి త్రిపురాంతకం వస్తున్నాడు. గొల్లపల్లి గ్రామానికి చెందిన సునీల్‌, రాజు బైకుపై ఎదురుగా వస్తున్నారు. ఈ సమయంలో రెండు బైకులూ ఢీకొన్నాయి. మంటలు చెలరేగి రెండు బైకులూ దగ్ధమయ్యాయి. ఈ ప్రమాదంలో చిన్ననాగయ్య అక్కడిక్కడే మృతి చెందగా, మంటలు అంటుకోగా రాజు శరీరంగా సగభాగం కాలింది. ఆయన్ను గుంటూరు తరలిస్తుండగా, మార్గమధ్యలో మృతిచెందాడు. సునీల్‌ తలకు తీవ్ర గాయాలయ్యాయి. సమాచారం అందుకున్న 108 ఇబ్బంది క్షతగాత్రులను వైద్యశాలకు తరలించారు. స్థానిక ఎస్సై శివబసవరాజు ప్రమాద స్థలానికి చేరుకుని మృతదేహాన్ని పరిశీలించి పోస్టుమార్టం నిమిత్తం వై.పాలెం ప్రభుత్వ వైద్యశాలకు తరలించారు. వివరాలు సేకరించి కేసు నమోదు చేశారు.

అయ్యప్పల ఆటో బోల్తా.. ఒకరు మృతి

దొనకొండ, నవంబరు 4(ఆంధ్రజ్యోతి): దేవా లయంలో సోమవారం మధ్యాహ్నం సద్ది ముగిం చుకొని వెళ్తున్న అయ్యప్పస్వాముల ఆటో బోల్తా పడటంతో ఒకరు మృతిచెందగా, మరో ఇద్దరికి స్వల్పగాయాలయ్యాయి. ఈఘటన దొనకొండలోని మార్కాపురం వెళ్లే ప్రధాన రహదారిలో కెజీబీవీ పాఠశాల మలుపు వద్ద చోటుచేసుకుంది. అందిన సమాచారం మేరకు.. దొనకొండ బ్రహ్మరావుపేటకు చెందిన బత్తుల నారాయణ, అతని ఇద్దరు కుమారులు నాగేశ్వరరావు, గురుప్రసాద్‌లు ఇటీవల అయ్యప్పమాల ధారణ చేపట్టారు. ఈక్రమంలో నాల్గురోడ్ల కూడలిలో ఆంజనేయస్వామి దేవాలయంలో అయ్యప్పస్వాములతో కలిసి మధ్యాహ్నం సద్ది ముగించుకొని స్వగ్రామానికి బయలుదేరారు. బత్తుల నాగేశ్వరరావు ఆటోలో గురుప్రసాద్‌ మరో నల్గురు అయ్యప్పస్వాములు వస్తున్నక్రమంలో కెజీబీవీ పాఠశాల మలుపు వద్ద అదుపుతప్పి బోల్తాపడింది. ఈ ప్రమాదంలో బత్తుల గురుప్రసాద్‌(15) తలకు బలమైన గాయం కావటంతో హుటాహుటీన వినుకొండ వైద్యశాలకు తరలించారు. వైద్యులు పరీక్షించి మృతిచెందినట్లు తెలిపారు. మృతిచెందిన గురుప్రసాద్‌ స్థానిక జడ్పీ ఉన్నత పాఠశాలలో పదో తరగతి చదువుతున్నాడు. బాలరాజు మృతదేహాన్ని స్థానికులు సందర్శించి నివాళులర్పించారు.

ఉద్యోగం రాలేదని యువకుడు ఆత్మహత్య

ముండ్లమూరు, నవంబరు 4 (ఆంధ్రజ్యోతి): మండలంలోని మారెళ్ళ గ్రామానికి చెందిన వెల్లంపల్లి సురేష్‌(25) ఆదివారం రాత్రి ఉరి వేసుకొని ఆత్మహత్యకు పాల్పడ్డాడు. ఈఘటనపై ముండ్లమూరు పోలీసులు సోమ వారం కేసు నమోదు చేశారు. డిగ్రీ చదివిన సురేష్‌ హైదరాబాద్‌లో ఉద్యోగ ప్రయత్నాల్లో ఉన్నాడు. ఉద్యోగం రాలేదని మనస్తాపం చెందుతూ సూసైడ్‌ లెటరు రాసి తన ఇంటిలో ఉరి వేసుకొని మృతి చెందాడు. మృతుడు తండ్రి యలమంద ఫిర్యాదు మేరకు ఎస్‌ఐ నాగరాజు కేసు నమోదు చేసుకొని మృతదేహాన్ని పరిశీలించి దర్యాప్తు చేస్తున్నారు. దర్శి వైద్యాధికారి మృతదేహానికి పోస్టుమార్టం నిర్వహించి బంధువులకు అప్పగించారు.